Daniel 11:31 - Uwumbɔr aagbaŋ

³¹ Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 11:31 ပူးပေါင်းရင်းမြစ်များ

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 7:30

“Juda aanib tun titunwanbir la. Bi di baawaa ŋi bir sakpen na bil Maadichal ni, ki bii li.

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Inandalahn 2:7

Uwumbɔr yii waatork aabimbiln, le ki siir cha Waadichal li bi chain na. U cha bidim kan nsan ki gbaa wii laagon. Nin chee ti nan joo mpopiin dooni u na, le bi kpa linyaŋ aafuuk.

Esekiel 9:7

Uwumbɔr nan ki bui ke, “Koor Maadichal aakoobil man. Cha ŋinikpol gbiin laachiln man. Piin lituln man.” Kina pu na, bi nan piin ki bi ku binib, kitiŋ ngbaan ni.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 8:24

U ga pɔɔk pam, ni mu aan li ye ubaa aapɔɔn pu. U ga bii tiwan pam, ki kan linyaŋ tiwan nimɔk u ŋa na ponn ni. U ga bii doo binib bi pɔɔ na, ki kpaan kpee Uwumbɔr aanib mu.

Daniel 8:26

Kijook ni kichakpiik ni aatork aadaŋ ti m kpiir taatataa tuk si na ga sil gbiin kina. Aa mu taa tee cha ti nya lipaal dandana wee, ba pu? ni ga yunn pam le ti nin ŋa kina.”

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Tibɔnyaan ti Mak ŋmee ti na 13:14

“Ni ga kan tiwanbir ni bii tiwan nimɔk bi chain na si naah kaa ba ga li si nin chee na.” (Tɔ, nimi bi karni na, ni li beer nimina aatataa.) “N‑yoonn ngbaan yaa nan fuu ni kan, binib bi bi Judea aatiŋ ponn ni na san buen ŋijoo paab.

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.

Tibɔkpiirkaan 17:12

“Saah kan iyiin kipiik i na, i ŋaŋ bibɔrb kipiik bi kaa kee ji nnaan na la. Bi ni upeel ngbaan ga kan bibɔrb aapɔɔn, ni yunn siib.