Daniel 11:27 - Uwumbɔr aagbaŋ

²⁷ Le bibɔrb bilee ngbaan ga kpaan kal ke bi ji tijikaar lisambil libaa ni, bi mu aalandak ga li ye titunwanbir aalandak la, le bi mɔnn tɔb inyamɔn. Baan kan baah ban pu na, ba pu? baah ban pu na aayoonn aa kee fuu ni.

Daniel 11:27 ပူးပေါင်းရင်းမြစ်များ

2 Samuel 13:26

Le Absalom ki baa ke, “Kina kan, aa ga ŋmaa cha nkpel Amnonn dan aa?” Le ubɔr baa u ke, “U dan nan ŋa ba?”

Ilahn 12:2

Bi mɔmɔk geei tɔb inyamɔn la; bi joo kimɔmɔɔn le ŋmanni tɔb.

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Ilahn 58:2

Aayii. Ni dak titunwanbir ti ni ga ŋmaa ŋa na pu baanja la, le ki tun mpɔɔn aatunwanbir kitiŋ kee pu.

Ilahn 62:9

Unibɔn naahn litakpiln libaa aabuln la; binikpaam ni biwaatiib mɔmɔk aa kpa tinyoor. Di bi tɔŋ likakl pu, le aa ga bee ke baa nyuun kpala, libuln nyuun jer bi.

Ilahn 64:6

Bi kpokl ilandak i kaa ŋan na, le ki bui ke, “Ti kpokl titunwanbir aalandak i ŋan sakpen a.” Saan ŋmaa bee unibɔn aasui, ni waalandak aatataa.

Ŋiyataŋak 12:20

Binib bi kpokl tibɔbir na ŋmanni bibaa la, le binib bi tun ki ban kinyaan na ma ga kan mpopiin.

Ŋiyataŋak 19:21

Binib ga ŋmaa kpokl baah gee pu na mɔmɔk; Uwumbɔr aageehn mu le ga ŋa.

Ŋiyataŋak 26:23

Ikpatakpaln i bɔrni unii aabimbin na aah bi pu na naahn n‑yam aah bi tiyakr aabukpiik pu pu na la.

Esekiel 17:9

“Le min Bidindaan Uwumbɔr baa ke: ndaan aasubil aasub ngbaan ga li bi ki ŋa busub aa? Njan aakaagiil na aan nan daa ŋɔb bu, ki ker ŋaasubil lir, ki kool kool ŋaapan, ki cha ŋi yɔl aa? Naan li pɔɔ, kaan li pɔɔ ke litimbol li kaa pɔɔ na nan ŋɔb bu lii.

Daniel 10:1

Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 11:28

Siria yaab aabɔr ga di waah gaa tiwan ni mpɔɔn butɔb ni na gir kun, ki ga pɔɔn ubaa ke u bii Uwumbɔr aanib aah dii nsan mu na. U ga ŋa waah gee pu na, le ki gir kun udo aatiŋ pu.

Daniel 11:29

“Nee aapuwɔb na, u ga buen ti loon tak Ijipt aatiŋ lelee, le n‑yoonn mumina ma tibɔr ga labr lir u pu.

Daniel 11:35

Bi ga ku bilandam ngbaan bibaa, le kina ngbaan ga nyan binib ngbaan baajɔŋ ni. Nimina ga li ŋani kina ki ti saa ndoon, n‑yoonn mu Uwumbɔr siin na.

Daniel 11:40

“Buyoonn Siria aabɔr aayoonn nan ban mu fuu ni na, le Ijipt aabɔr ga ti tak u, le Siria aabɔr ga di waapɔɔn mɔmɔk sil kiir u, u ga di itaan aatɔroku tiib, ni itaan, ni iŋɔi pam jan kijaak ngbaan. U ga loon ntim pam, ke nwam na.

Daniel 8:17

Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Daniel 8:19

le ki bui mi ke, “M bi mɔk si Uwumbɔr aaŋuul aah ga joo ni tiwan ni na la. Tidaŋ ngbaan mɔk kookoo aayoonn aabɔr la.

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Lituln 1:7

Le Yesu tuk bi, “Bundaln Nte Uwumbɔr ga ŋa waah ban pu na, aa ye nimi aabɔr. Ti bi u chee la.

Lituln 17:31

Ba pu? u siin nwiin bundaln u ga ji binib mɔmɔk tibɔr na, ki ti saa baah ŋa ki ŋeer pu na. U nyan uja u ga ji binib tibɔr na. U nan fikr uja ngbaan nkun ni, nima le ye limɔkl tii binib mɔmɔk.”

1 Tesalonika 5:1

Nnaabitiib, naa ki ban ke m ŋmee ki tuk nimi bundaln tiwan nimina mɔmɔk ga ŋa na.