Daniel 11:17 - Uwumbɔr aagbaŋ

¹⁷ “Siria aabɔr ga kpokl ke u di waajab mɔmɔk buen butɔb aaban. U ga li ban ke u bii waadin aanaan mɔmɔk, kina pu na, u ga cha u ni uma ŋa kimɔbaan ki di ubisal tii u; le ni mu aan kal kina.

Daniel 11:17 ပူးပေါင်းရင်းမြစ်များ

2 Bibɔrb 12:17

N‑yoonn ngbaan le Siria aatiŋ aabɔr Hasael nan ti tak Gaf aatiŋ ki nyaŋ ki; le ki ŋa nlandak ke u ti tak Jerusalem mu.

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

Ilahn 56:9

Bundaal m ti yin si na kan, maadim ga fenn bipuwɔb. M nyi ke Uwumbɔr bi m chee.

Ŋiyataŋak 19:21

Binib ga ŋmaa kpokl baah gee pu na mɔmɔk; Uwumbɔr aageehn mu le ga ŋa.

Esekiel 17:17

Hali Ijipt aatɔb aajab ni baapɔɔnsakpiin aan ŋmaa ter u, u jan Babiloŋ yaab buyoonn bi maa maa ŋibimbin tam Jerusalem aagon ki gbii ŋibuu ke bi ku binib pam na.

Esekiel 25:2

“Unibɔn, lik Amonn yaab wɔb ki len tibɔbir lii bi pu.

Esekiel 4:3

Aa yaa ŋa kina doo kan, aa ban tikur aapeln li pee na ki di ŋum ke ligoln na, aa ni kitiŋ ngbaan aakaasisik ni. Fenn toŋ kitiŋ ngbaan. Bijab gob ki le na, sin le ye u bi gob ki na. Nimina le ga li ye limɔkl ki tii Israel yaab.

Esekiel 4:7

“Di aanimbil kaan bijab aah ga gor pu ki ti gob Jerusalem aatiŋ pu na. Fik aaŋaal mɔk kitiŋ ngbaan ki di maah tuk si pu na tuk kaanib.

Daniel 11:19

Ubɔr ngbaan ga gir buen waatim mu kpa ŋigon ŋi fɔk ki pɔɔ na udo aatiŋ pu; tɔ, nima chee le bi ga ti nyaŋ u, le waamɔfal ga junn.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Habakuk 1:9

“Baajab choo bi ti nyaŋ ntim mɔmɔk. Bi wiir pam, ki nya ni liwipuul wɔb ke kitaabuŋ na. Le baah chur binib bi tinaagbiir na wiir ke litambol na.

Matiu 12:30

“Unii umɔk kaa dii mi na, u ye maadin la. Unii umɔk kaa kuuni binib tii mi na, u yaal bi la.

Tibɔnyaan ti Luk ŋmee ti na 11:23

“Unii u kaa dii mi na kan, u ye maadin la. Unii u mu kaa kuuni binib tii mi na kan, u yaani bi la.”

Tibɔnyaan ti Luk ŋmee ti na 9:51

Bundaln Yesu ga gir buen paacham na peen ni. Le u pɔɔk ubaa ke u buen Jerusalem,

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.