Daniel 11:15 - Uwumbɔr aagbaŋ

¹⁵ Kina pu na, Siria aabɔr ga ti loon kitiŋ ki bi maa ŋigon ŋi fɔk ki pɔɔ gob ki na ki nyaŋ ki. Ijipt aatɔb aajab ga di cha kaan ki to butɔb; hali bi ponn ni bi kaar sakpen na aan ki li kpa mpɔɔn mubaa bi jan kijaak.

Daniel 11:15 ပူးပေါင်းရင်းမြစ်များ

Jeremia 33:4

Min Uwumbɔr u ye Israel yaab Aawumbɔr na, bui ke Jerusalem aadichal ni Juda aanaan aadichal ga ber. Naa kpa tinyoor ke ni buen ti jan Babiloŋ yaab bi gob nimi aatiŋ na kijaak. Nimina ga cha maaŋuusakpeln aah fii binib bi pu aan m ban m faa ku bi na aanikpol le gbiin kitiŋ kee ni. Kaanib aah tun titunwanbir ti na pu le m fenn mpuwɔb tii ki.

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Jeremia 52:4

Kina pu le Nebukadnesar nan di waajab mɔmɔk dan nan tak Jerusalem, Sedekia aanaan aabiwawaer ni aaŋmapiik aawiin kipiik daal. Bi nan kuun kal kitiŋ ngbaan aagbaan, le ki maa ŋikɔl ŋikɔl kitiŋ ngbaan aagon aataab kina

Jeremia 6:6

Uwumbɔr Mpɔɔnsakpiindaan le cha bibɔrb ngbaan pir isui ki maa ŋibimbin ke bi gob Jerusalem. U bui ke, “Kitiŋ ngbaan ponn ni aah gbii limukl sakpen pu na, le m ga daa kitafal.

Esekiel 17:17

Hali Ijipt aatɔb aajab ni baapɔɔnsakpiin aan ŋmaa ter u, u jan Babiloŋ yaab buyoonn bi maa maa ŋibimbin tam Jerusalem aagon ki gbii ŋibuu ke bi ku binib pam na.

Esekiel 4:2

Ŋa ŋibuu, ni ŋibimbin aawan, ki naan butɔb aajab aakpuk, ni ŋidɔgen ŋi bi ga di gbaa wiil kaagon na mann goln saah naan Jerusalem aatiŋ ki na. Nima le ga mɔk ke bijab gob ki a.

Daniel 11:14

Le binib pam ga nya Ijipt aabɔr aapuwɔb. Le bijab bibaa ga nyan ni sin Daniel aatimbol ponn ni, ki ga li bir pam ki mu ga nya upuwɔb, ba pu? bi kan tiwan nibaa tidaŋ ponn ni. Bi mu ga lir.

Daniel 11:6

Ŋibin ŋibaa aapuwɔb le Ijipt aabɔr ngbaan ga buen ti ŋa kimɔbaan Siria aabɔr chee, ki ga di ubisal tii u. Kimɔbaan ngbaan mu aan yunn, le bi ga ku upii ngbaan ni uchal, ni ute, ni binaagbiib bi nan dii u nyan ni ute do na, ni unii u sil upuwɔb na.

Daniel 8:7

M nan kan u buen ti tak upihja ngbaan. Waaŋuul nan fii sakpen, le u ber ti saa upihja ngbaan ki kool waayiin ilee na. Upihja ngbaan aa nan kpa mpɔɔn u sil kiir u. U nan saa u lii kitiŋ ki taa u ŋmal titan ni, le ubaa aa ŋmaa gaa u lii.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.