Daniel 10:6 - Uwumbɔr aagbaŋ

⁶ Uwon nan moor lak lak ke nleenyaan na. Le unimbil wɔb mu moor ke utaal aah moor pu na, le unimbil bi ke mmii mu gaal na. Uŋaal ni utaa nan moor ke tikumann ti bi pir ti mbamɔm na, le uneel naahn kinipaak aafuuk.

Daniel 10:6 ပူးပေါင်းရင်းမြစ်များ

Nnyam 28:20

ki di litakpanyaan li bi yin li ke beril na, ni litakpanyaan li bi yin li ke kaneliann na, ni litakpanyaan li ye nkonyon, bi yin li ke jaspa na, ki di lur nanaa aakuul pu. Aa di ŋi mɔmɔk tam salmaa pu.

Solomonn Aalahn 5:14

Uŋaal dii tɔb mbamɔm la, le u ŋmaa ibuen i bi di ŋitakpanyaan ŋi kpa kidaak sakpen na di ŋmal i ponn ni na. Uwon joon ke uluub aanyin ŋi bi kpii ŋi, aan ki di ŋitakpanyaan tam ŋi na la.

Esekiel 1:14

Tiwanfuurkaan ngbaan mu nan ber ti nya do ki ber ti nya do ki dii mmii ngbaan aah too pelb pelb pu na la.

Esekiel 1:16

Tifambann aataa ngbaan nan naahn tɔb la; kibaa mɔk nan moor lak lak ke litakpanyaan li kpa kidaak na la, le kibaa mɔk ki kpa kifambaŋ ki puln kiken na,

Esekiel 1:24

M nan ŋun naah fii aan naafeen kpa kifuuk ki na pu; kifuuk ngbaan nan naahn nnyusakpem aafuuk la, ki naahn butɔb aajab bi wiir sakpen na aafuuk, ki ki naahn Uwumbɔr Mpɔɔnsakpiindaan aaneel. Ni yaa kaa ki fiir kan, ni kpab naafeen la,

Esekiel 1:7

Tiwan ngbaan aataa nan tok kaa gɔr nibaa chee, le ni kpa itaabuseen ke unaaja na. Ni nan moor ke tikumann ti bi jɔŋ ti mbamɔm na la.

Esekiel 10:9

M nan ki kan ke tifambann aataa ŋinaa mu bi, ki naahn tɔb, libaabaa si kpɔk tiwan ni kpa ifeen na nibaa. Tifambann aataa ngbaan nan moor ke ŋitakpanyaan ŋi kpa kidaak na la, kibaa mɔk nan ki kpa kifambaŋ ki puln ki na.

Esekiel 40:3

U nan moo di mi foor buen, le m kan unii u moor lak lak ke tikumann na. U nan joo tiwaŋaŋkaan ni bi di ŋitanyaan ŋa ni na, ni tikur aadabil li bi joo ŋaŋni tiwan na, ki si mbisamɔb mubaa chee.

Esekiel 8:2

M nan waan lik paacham, le ki kan unibɔn aabimbin aajawaan aawan nibaa. Ki nyan uchaŋ mɔk ki di sunn taab na, uwon nan naahn mmii la, le ki nyan uchaŋ mɔk ki di jon paab na, uwon nan moor lak lak ke baah jɔŋ tikumann ti mbamɔm na.

Matiu 17:2

Le uwon kpeln binimbil ni. Unimbil wɔb wiin ke nwiin aah wiin pu na. Le waawanpeenkaan kpaln tiwanpipinn ke nwiihn aah piin pu na.

Matiu 28:3

U nan moor lak lak ke utaal aah moor pu na. Waawanpeenkaan piin chain ke nkokoyon na.

Tibɔnyaan ti Luk ŋmee ti na 9:29

Waah bi mee Uwumbɔr na, le unimbil wɔb kpeln. Le waawanpeenkaan mu kpaln tiwanpipiln ni ga li deer aanimbil na.

Tibɔkpiirkaan 10:1

Le m kan Uwumbɔr aatuun mpɔɔndaan uken nyan ni paacham. U pee kitaalangbaŋ, le waakpimanja mu lur goln uyil. Unimbil wɔb naahn nwiin la. Utaa mu naahn kimiigaak.

Tibɔkpiirkaan 19:12

Unimbil wɔb wiin ke mmiigaal na. Ubɔr aayikpupur ti wiir na bi uyil pu. Waayimbil ŋmee u pu. Ubaa aa nyi liyimbil ngbaan see uma baanja.

Tibɔkpiirkaan 2:18

“Ŋmee kigbaŋ tii maanib bi bi Tiataira aatiŋ ni na aatuun ke min Uwumbɔr Aajapɔɔn u kpa ŋinimbil ŋi wiin ke mmii na, ni titaafar ti wiin ke baah pur tikur ti mmii ni na aah wiin pu na le len tibɔr timina: