Daniel 10:20 - Uwumbɔr aagbaŋ

^20-21 Le u baa mi ke, “Aa nyi budabu pu m dan aa chee na aa? M dan ke m nan kpiir baah ŋmee pu Ibamɔn Aagbaŋ ponn ni na le tuk si. Tɔ, m ga gir ti jan Paacham aatuun mu kii Pesia aatiŋ na kijaak. Nee aapuwɔb le Paacham aatuun mu kii Griis aatiŋ na mu ga dan. Ubaa aa bi ki ga ter mi see Maikel, Uwumbɔr aatuun mu kii Israel aatiŋ na baanja.

Daniel 10:20 ပူးပေါင်းရင်းမြစ်များ

Esra 4:4

Le baadim, bi nan puen koo kitiŋ ngbaan pu na, pɔɔn bibaa ke bi faan Juda yaab ngbaan ki yɔl bitaakpab, aan bi di cha ki taa ki maa.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Daniel 10:13

Paacham aatuun u joo Pesia aanaan na le kiir mi nsan ni ki ti saa iwiin moninko ni mubaa. Le Uwumbɔr aatuun Maikel, u ye Uwumbɔr aatuuntiib aayidaan ubaa na dan ki nan ter mi, ba pu? m nan gur bi Pesia aatiŋ ni mbaa baanja la.

Daniel 7:6

Maah nan si lik kina na, le upeel uken mu ki nyan ni. U nan naahn unaamuun la, le ki tee kpa ifeen inaa upuwɔb. Ifeen ngbaan nan naahn unyoon aafeen la; le u kpa ŋiyil ŋinaa. Le Uwumbɔr tii u ujojoor aapɔɔn.

Daniel 8:21

Uŋoja na mu ye Griis aanaan la, le n‑yiin mu fɔk ki gbei, ki baa unimbil aakaasisik ni na ye mu aabɔr.

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.