Daniel 10:19 - Uwumbɔr aagbaŋ

¹⁹ Le u bui mi ke, “Uwumbɔr gee si, kina pu na, taa cha nibaa li muk si, bee ni faan si.” Waah ki len kina na, le nwon moo pɔɔk sakpen, le m bui ke, “Maaninkpel, tuk mi saah kpa pu aa len na. Aa cha nwon chuu a.”

Daniel 10:19 ပူးပေါင်းရင်းမြစ်များ

Ilahn 138:3

M nan yin si, le aa kii maayim; aa di saapɔɔn le tii mi mpɔɔn.

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Daniel 10:18

Le u ki gir chuu mi le nwon moo pɔɔk.

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Sekaria 8:9

“Min Uwumbɔr Mpɔɔnsakpiindaan le len ke: Cha nitaakpab li pɔɔ man. Ni bi ŋun tibɔr chachaan ti maabɔnabtiib nan len, n‑yoonn mu bi nan ki gir bil ŋitakpal ke bi maa Maadichal na la.

Jɔnn 11:3

Waah bun na, le uninkpatiib tun unii u ti tuk Yesu, “Tidindaan, unii u aa gee u na bun.”

Jɔnn 11:36

Le Juu yaab bui ke, “Lik waah gee u sakpen pu na.”

Jɔnn 11:5

Tɔ, Yesu nan gee Mata, ni unaal, ni Lasarus.

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Jɔnn 19:26

Le Yesu kan una ni waadidiir u u gee u na si gbɔk u. Le u bui una, “Nna, lik, aajapɔɔn sɔ,”

Jɔnn 21:20

Le Piita fenn upuwɔb, ki kan Yesu aah gee waadidiir u na paa ni bi pu. Waadidiir ngbaan ye unii u nan foor duun Yesu, baah nan bi ji tijiir buyoonn na, ki nan baa u ke, “Ndindaan, ŋma ga kooh si?” na.

1 Korenti 16:13

Ni li nyi man, ki li dii Yesu mbamɔm, ki taa di cha waasan. Ni li kpa lipobil man, ki li kpa mpɔɔn mu Uwumbɔr tii nimi na.

2 Korenti 12:9

Le waa kii, le ki bui mi ke waaterm le ga cha m nyaŋ limukl ngbaan; ba pu? unii u kaa kpa mpɔɔn na ga li kpa waapɔɔn mbamɔm. Le m kpa mpopiin ki kpa kipupuk maadabur aabɔr pu, aan ki li kpa Kristo aapɔɔn.

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

2 Timoti 2:1

Maabo, pɔɔk aataakpab Yesu Kristo aah ter si pu na.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Bibɔjirb 6:23

Uwumbɔr nan tee bui u ke, “Taa san ijawaan. Nsuudoon bi. Saan kpo.”