Daniel 10:12 - Uwumbɔr aagbaŋ

¹² Le u ki bui mi ke, “Daniel, taa san ijawaan. Njan aawiin mundaal aa nan sunn aabaa taab ki piin ki bi mee u ke u tii si nlan na, le Uwumbɔr nan ŋun saameel. Saameel ngbaan pu le m dan.

Daniel 10:12 ပူးပေါင်းရင်းမြစ်များ

Ilahn 69:10

M sunn mbaa taab ki lulni bumɔb, le binib seei mi;

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 58:9

Le ni yaa mee mi kan, m ga kii nimi aameel. Ni yaa yin mi kan, m ga kii nimi. “Ni yaa kuln limukl, ni lik‑seen, ni tibɔbir mɔmɔk,

Aisaya 65:24

Waahr aan bi nin mee mi doo na, m ga kii baameel.

Daniel 10:11

Le Uwumbɔr aatuun ngbaan bui mi ke, “Daniel, Uwumbɔr gee si pam. Fii sil ki pel mbamɔm maah ban m len pu na. Uwumbɔr le tun ni mi aa chee.” Waah len kina na, le m fii sil, le nwon beenin gbaa.

Daniel 10:19

Le u bui mi ke, “Uwumbɔr gee si, kina pu na, taa cha nibaa li muk si, bee ni faan si.” Waah ki len kina na, le nwon moo pɔɔk sakpen, le m bui ke, “Maaninkpel, tuk mi saah kpa pu aa len na. Aa cha nwon chuu a.”

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 16:31

Liyaadaal ngbaan ye chain chain aawiin la. Ni lul bumɔb liyaadaal ngbaan, ki taa tun lituln libaa. Ni li joo ikaal ngbaan ki cha n‑yoonn mɔmɔk.

Nkahm 29:7

Ŋmalole aawinpiik daal kan, ni kuun ni tɔb chee ki nan doon Uwumbɔr, ni taa ji tijikaar tibaa, ki taa tun lituln libaa.

Matiu 28:10

Le u bui bi, “Taa san ijawaan man. Li cha ki ti tuk maadidiliib ke bi li cha Galilee. Bi ga ti kan mi nima chee.”

Matiu 28:5

Le Uwumbɔr aatuun ngbaan bui bipiib ngbaan, “Ni taa san ijawaan man. M nyi ke ni ban Yesu u bi nan kpaa u ndɔpuinkoo pu na la.

Tibɔnyaan ti Mak ŋmee ti na 16:6

Le u bui bi, “Ni taa cha ni gar nimi man. Ni ban Yesu u ye Nasaref aatiŋ aanii u bi nan kpaa u ndɔpuinkoo pu na la. U fikr nkun ni a. Waa bi do. Lik man baah nan di u bil nin chee na.

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:30

Le u ki bui u, “Mari, taa san ijawaan. Uwumbɔr ŋa si tibulchinn la.

Tibɔnyaan ti Luk ŋmee ti na 2:10

Le Uwumbɔr aatuun ngbaan bui bi, “Taa san ijawaan man. M joo ni tibɔnyaan ti ga tii binib mɔmɔk mpopiin sakpen na la.

Tibɔnyaan ti Luk ŋmee ti na 24:38

Le u baa bi, “Ba ŋa ni san ijawaan? Ba ŋa ni beeni nisui ni?

Lituln 27:24

ki bui mi, ‘Pɔɔl, taa san ijawaan. Aa ga sil Ubɔrkpaan Siisa aanimbiin ni. Uwumbɔr ga cha binib bimɔk bi buŋɔb bue ponn ni na ŋmar, saanimbaak pu.’

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.