Daniel 10:1 - Uwumbɔr aagbaŋ

¹ Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 10:1 ပူးပေါင်းရင်းမြစ်များ

Mpiin 41:32

Le saah daŋ njan aadaŋ ki ki gir daŋ lelee aan tidaŋ ngbaan aatataa ye tiwanbaan na, Uwumbɔr le sil siin ti kina, ki mu ga cha ni ŋa kina dandana wee.

2 Bibɔrb Aabɔr 36:22

Sairus aah nan ye Pesia aabɔr pu na aajan aabiln ni, le Uwumbɔr nan cha waabɔnabr Jeremia aah nan len pu na gbiin. U nan cha Ubɔr Sairus siin nkaal mumina ki cha bi ŋmee mu, ki di tun waanaan mɔmɔk ni ke bi karn mu mpɔɔn pu ke:

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Esra 4:3

Le Serubabel, ni Josua, ni itaŋaal ngbaan aayidam bui bi ke, “Taa ban nimi aaterm ke ti di maa Tidindaan Uwumbɔr Aadichal. Pesia aabɔrkpaan Sairus aah bui timi pu na, timi tibaa le ga maa li.”

Esra 4:5

Bi nan tii Pesia aatiŋ aabɔrkpaan aaninkpiib ŋimombil, ke bi ter bi ki jenn Juu yaab ngbaan. Bi nan ŋani kina ki nyan Sairus aayoonn ki ti saa Darius aayoonn.

Esra 6:14

Juu yaab aayidam ngbaan nan maa Uwumbɔr Aadichal ngbaan mala, le Hagai ni Sekaria bi nan ye Uwumbɔr aabɔnabr na nan pɔɔk bitaakpab. Israel yaab Aawumbɔr, ni Pesia aabɔrkpaam Sairus, ni Darius, ni Ataksekes aah nan bui bi pu na, bi nan doo Uwumbɔr Aadichal ngbaan aamaam.

Esra 6:3

“Ubɔrkpaan Sairus aah nan jin nnaan na aajan aabiln ponn ni, le u nan siin nkaal, ke bi ki gir maa Uwumbɔr Aadichal li nan bi Jerusalem ponn ni na, aan bi li toor kitork nima, ki kpee kitork ki bi joo seer mmii ni na mu. Uwumbɔr Aadichal ngbaan aapaacham aafɔfɔk li ye ŋitaa imonko inaa ni kipiik, ki li waa kina mu.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 1:21

Daniel nan beenin bi ubɔr aachiln ni le Pesia Aabɔrkpaan Sairus nan nyaŋ Babiloŋ yaab butɔb ni.

Daniel 1:7

Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 11:2

Maah ban m bui si pu na ye ibamɔn la.” Uwumbɔr aatuun ngbaan nan ki bui mi ke, “Bibɔrb bitaa ga ki ji nnaan Pesia aatiŋ ni, ki paan tɔb pu, le unanar mu ga paan ni bi pu, uma ga li kpa liwangol ki jer bitaa na. Buyoonn waapɔɔn ni waawangol ngbaan ga ti moo nyaŋ na, le u ga buen ti kpak Griis aanaan.

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Daniel 12:9

Le u kii ke, “Daniel, li cha n‑yoonn mue; ba pu? tibɔr timina ye tibɔbɔrkaan la, ki ga li bɔr ki ti saa ndoon aayoonn.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 4:8

Le Daniel koo ni. M nan ki di maawaal aayimbil Beltesasar, le di yin u. Uwumbɔr u bi chain na Aafuur Nyaan bi u chee, le m tuk u maah daŋ pu na.

Daniel 5:12

Waalan ni ichiin nyaŋ sakpen le u ŋmaa kpiir tidaŋ aatataa len, ki nyi ŋiyataŋak aatataa, ki ŋmaa kpiir tiwan ni bɔr na mɔk binib, kina pu na, tun yin ni uja u bi yin u ke Daniel na, u ubɔr nan ki yin u ke Beltesasar na, le u ga nan tuk si tiwan nimina mɔmɔk aatataa.”

Daniel 5:17

Le Daniel gar u ke, “Li joo saapiin aabaa, bee aa ga ŋmaa di i tii ubaa. M ga karn ŋŋmeen ngbaan ki tii mpɔɔndaan, ki kpiir mu aatataa tuk si.

Daniel 6:28

Kina pu na, Daniel nan kan nwankam n‑yoonn mu Darius ni Sairus u nyan ni Pesia aatiŋ ni na nan joo kitiŋ ngbaan.

Daniel 8:16

Le m ŋun nneel nyan ni Ulai Aamɔɔl wɔb ki bui ke, “Gabriel, kpiir waah kan tiwan ni na aatataa mɔk u.”

Daniel 8:26

Kijook ni kichakpiik ni aatork aadaŋ ti m kpiir taatataa tuk si na ga sil gbiin kina. Aa mu taa tee cha ti nya lipaal dandana wee, ba pu? ni ga yunn pam le ti nin ŋa kina.”

Tibɔnyaan ti Luk ŋmee ti na 1:20

Ni yaa nan ŋeer kan, maah len pu na ga gbiin. Saah kaa pak maah len pu na, le aa ga ŋa ubir, kaan ki ŋmaa len tibɔr ki ti saa buyoonn tiwan nimina ga ŋa na.”

Tibɔkpiirkaan 19:9

Le Uwumbɔr aatuun ngbaan bui mi ke, “Ŋmee ke: Binib bi Uwumbɔr yin bi ke bi dan ki nan ji Upihbo ngbaan aabɔndinn aajikaar na, Uwumbɔr aanyoor bi bi pu.” Le Uwumbɔr aatuun ngbaan ki len ke, “Uwumbɔr aabɔr ti ye tibamɔnn na le na.”