Daniel 1:5 - Uwumbɔr aagbaŋ

⁵ Ubɔr ngbaan nan ki bui ke bi cha binachipɔm ngbaan li ji ubɔr aachiln ni aanib aah ji tijikaar ti na, ki li nyu baah nyu ndaan mu na mu iwiin mɔmɔk. Bi ga nan mɔk bi tiwan kina ki ti saa ŋibin ŋitaa le bi nin buen ti kan ubɔr.

Daniel 1:5 ပူးပေါင်းရင်းမြစ်များ

1 Bibɔrb 10:8

Aapuutiib kpa liyinyaan. Le saatutum bi bi aa chee n‑yoonn mɔmɔk ki kpa nsan ke bi li ŋun saaninkpeliin na mu kpa liyinyaan.

2 Bibɔrb 25:30

Waah nan bi limɔfal ni n‑yoonn mumɔk na, bi nan luu u iwiin mɔmɔk aajikaar kina le ki ti saa waakundaal.

2 Bibɔrb Aabɔr 9:7

Binib bi tun saatuln ki bi aa chee n‑yoonn mɔmɔk, ki kpa nsan ki bi li ŋun saaninkpeliin na kpa liyinyaan.

Ŋiyataŋak 23:3

Taa ji sakpen ke waah tii si tijikaar ti na ŋan ki mɔ; nibaakan u ban u lik saabimbin aah bi pu na ki ŋmann si la.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Daniel 1:19

Ubɔr nan len bi mɔmɔk chee tibɔr, le Daniel, ni Hanania, ni Misael, ni Asaria nan kan u chee lineen ki jer biken na. Kina pu na, bi nan kpaln ubɔr aachiln ni aanib la.

Daniel 1:8

Daniel nan ŋa nlandak ke waan ji tijikaar ti ubɔr aachiln ni aanib ji na, kaan nyu baadaan mu ki bii waah dii nsan mu na; kina pu na, u nan bui Aspenas ke u ter u,

Matiu 6:11

Tiin timi din aawiin aajikaar.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Tibɔnyaan ti Luk ŋmee ti na 11:3

Tiin timi din aawiin aajikaar.

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

1 Samuel 16:22

Le Sɔɔl ki tun Jese chee ke, “M gee David. Cha u li bi m chee do ki tun maatuln.”