Daniel 1:20 - Uwumbɔr aagbaŋ

²⁰ Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 1:20 ပူးပေါင်းရင်းမြစ်များ

Mpiin 31:7

Le n‑yoonn pam, u jin mi pem pem ki kpeln waah ba ga pa mi pu na nfum kipiik pu. Uwumbɔr mu aa kii ke u bii mi.

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

Nehemia 4:12

Le n‑yoonn mɔmɔk mu Juu yaab bi koo timi aadim ngbaan chee na choo ki nan tuk timi baah bi kpokl ti pu pu na.

Job Aagbaŋ 19:3

Ni seei mi n‑yoonn mɔmɔk, le kaa san inimɔɔn naah seei mi pu na pu.

Ilahn 119:99

Maah dakl lik saakaal aatataa na, m moo beer tiwan aatataa jer binib bi mɔk mi na mɔmɔk.

Nnyam 7:22

Ubɔr aanyɔkdam mu nan ŋa kina, le ubɔr ngbaan moo pɔɔk usui sakpen. Le ubɔr ngbaan nan yii, kaa ŋun tii Moses ni Aaronn, ke Uwumbɔr aah tuk bi ke ubɔr ngbaan aan kii ke binib ngbaan buen pu na.

Nnyam 8:19

le binyɔkdam ngbaan bui ubɔr ke, “Uwumbɔr le ŋa kina.” Tɔ, hali Uwumbɔr aah ŋa lijinjiir aawan nimina mɔmɔk na, ubɔr ngbaan nan moo pɔɔk usui, le ni gbiin Uwumbɔr aah nan tuk Moses ni Aaronn pu na.

Nnyam 8:7

Le binyɔkdam ngbaan mu nan cha ŋipulaatal nyan ni kitiŋ ngbaan ni.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Esekiel 28:3

Aa dak ke aa kpa nlan jer Danel, le tiwanbɔrkaan nibaa aan ŋmaa bɔr si.

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 2:13

Le bi nan siin nkaal ngbaan ke bi ku bi mɔmɔk, ki kpee Daniel ni ujɔtiib na mu.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 5:17

Le Daniel gar u ke, “Li joo saapiin aabaa, bee aa ga ŋmaa di i tii ubaa. M ga karn ŋŋmeen ngbaan ki tii mpɔɔndaan, ki kpiir mu aatataa tuk si.

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.