Daniel 1:19 - Uwumbɔr aagbaŋ

¹⁹ Ubɔr nan len bi mɔmɔk chee tibɔr, le Daniel, ni Hanania, ni Misael, ni Asaria nan kan u chee lineen ki jer biken na. Kina pu na, bi nan kpaln ubɔr aachiln ni aanib la.

Daniel 1:19 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Daniel 1:18

Ŋibin ŋitaa ŋi ubɔr nan siin na aah nan saa na, le Aspenas nan di binachipɔm ngbaan buen Nebukadnesar chee.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 1:5

Ubɔr ngbaan nan ki bui ke bi cha binachipɔm ngbaan li ji ubɔr aachiln ni aanib aah ji tijikaar ti na, ki li nyu baah nyu ndaan mu na mu iwiin mɔmɔk. Bi ga nan mɔk bi tiwan kina ki ti saa ŋibin ŋitaa le bi nin buen ti kan ubɔr.

Daniel 1:6

Daniel, ni Hanania, ni Misael, ni Asaria, bi mɔmɔk nan ye Juda aanib na, nan ŋmal baah nyan binachipɔm bi na ponn ni.

Daniel 1:7

Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 2:13

Le bi nan siin nkaal ngbaan ke bi ku bi mɔmɔk, ki kpee Daniel ni ujɔtiib na mu.

Daniel 3:29

“Le m siin nkaal dandana, ke litimbol, bee linibol, bee iliin imɔk aanib yaa len tibɔr ti kaa ŋan na Sadrak, ni Mesak, ni Abednego Aawumbɔr pu na kan, bi ga daa par par u, ki kuln udaan aadichal. Uwumbɔr uken aa ki bi ki ga ŋmaa gaa unii lii kina.”