Daniel 1:17 - Uwumbɔr aagbaŋ

¹⁷ Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 1:17 ပူးပေါင်းရင်းမြစ်များ

1 Bibɔrb 3:12

m ga ŋa saah mee pu na. M ga tii si nlan, ni ichiin, ki jer unii umɔk nan puen si ki kpa na, ubaa mu aan ki li bi ki li kpa kina aalan ni ichiin.

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

2 Bibɔrb Aabɔr 1:10

Kina pu na, tii mi nlan mu m ga ŋmaa di joo bi na. Ni yaa kaa ye kina kan, m ga ŋa kinye aan ki joo saanisakpem bimina?”

2 Bibɔrb Aabɔr 1:12

M ga tii si nlan ni ichiin; ki ki kpee na, m ga ki tii si liwangosakpeln, ni nkam, ni liyimbil ki jer ubɔr umɔk puen si jin nnaan na, ni bi kaa kee jin na.”

2 Bibɔrb Aabɔr 26:5

N‑yoonn mumɔk Sekaria, u nan ye Uwumbɔr aadidiir, ki ye waasusur na nan bi limɔfal ni na u nan tun Uwumbɔr aageehn mbamɔm. Le Uwumbɔr nan ŋa u tinyoor.

Job Aagbaŋ 32:8

Tɔ, Uwumbɔr Mpɔɔnsakpiindaan Aafuur Nyaan le choo binib chee le ki tii bi nlan.

Ŋiyataŋak 2:6

Uwumbɔr le tii nlan; uma chee le nlan, ni ichiin, ni tiwan aatataa aabeem nyani.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Aisaya 28:26

U nyi waah ga ŋa waatuln pu na; ba pu? Uwumbɔr mɔk u a.

Esekiel 28:3

Aa dak ke aa kpa nlan jer Danel, le tiwanbɔrkaan nibaa aan ŋmaa bɔr si.

Daniel 1:18

Ŋibin ŋitaa ŋi ubɔr nan siin na aah nan saa na, le Aspenas nan di binachipɔm ngbaan buen Nebukadnesar chee.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 10:1

Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 2:19

Kinyeek ngbaan le Uwumbɔr kpiir tidaŋ ngbaan mɔk Daniel tidaŋ ponn ni; le u pak Uwumbɔr u bi paacham na ke:

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 2:23

M pak ki nyuŋni si, n‑yaajatiib Aawumbɔr. Sin le tii mi nlan ni mpɔɔn; aa kii maameel, ki mɔk timi taah ga ti bui ubɔr pu na.”

Daniel 2:30

Tɔ, Uwumbɔr le kpiir iwaan aawan ngbaan mɔk mi, naa ye ke m kpa nlan jer biken la, ni ŋa kina ke sin mpɔɔndaan bee saadaŋ ngbaan aatataa, ki bee ilandak i dan aa chee na.

Daniel 4:6

M nan cha bi ti yin ni Babiloŋ aabɔrchiln ni aasusurb mɔmɔk ke bi nan tuk mi tidaŋ ngbaan aatataa aah ye pu na.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 7:1

Belsasar aah nan jin nnaan Babiloŋ aatiŋ ni njan aabiln ponn ni na, le m nan daŋ tidaŋ kinyeek. M nan ŋmee tidaŋ ngbaan aah ye pu na bil.

Daniel 8:1

Ubɔr Belsasar aah nan ti saa ŋibin ŋitaa nnaan ni na, le m nan ki daŋ tidaŋ ki kan iwaan aawan lelee.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Tibɔnyaan ti Luk ŋmee ti na 21:15

M ga tuk nimi naah ga len pu na, aan nimi aadim ubaa taa ki ŋmaa kpak nimi, kaan ki ŋmaa len tibaa.

Lituln 6:10

Uwumbɔr Aafuur Nyaan aah tii Stiifen nlan sakpen pu na, baa ŋmaa len ki nyaŋ u.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

Lituln 7:22

Le bi mɔk u Ijipt yaab aalan aabɔŋ aabɔŋ. Le u kpaln unii u nyi tibɔr na, ki tun lituln li kpa liyimbil na.

Kolosiya 1:9

Nima pu le ti mee Uwumbɔr tii nimi, kaa di cha. Buyoonn ti nan ŋun ni pu ki nan saa dandana wee na, le ti mee Uwumbɔr tii nimi, ke ni ga bee waah ban ke ni li ŋani pu na. Ti mee u ke u tii nimi nlan ni bee Waafuur Nyaan aabɔr,

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.