Amos 9:9 - Uwumbɔr aagbaŋ

⁹ “M ga tii maamɔboln ki cha Israel aanib deŋ ke baah bi yak n‑yon le kiyayak ponn ni na. Ŋinibol mɔmɔk ponn ni, m ga yak bi, ki nyan binib bi kaa bi tibaa ni na.

Amos 9:9 ပူးပေါင်းရင်းမြစ်များ

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 28:28

Waa gbaa wiir waamuubim ni waadibim, u nyi waah ga di inaaja aatɔroku poi mu pu, kaan taa wiir njikaabim ngbaan na.

Aisaya 30:28

U yaa chuun kan, libuln lolni u pu nsan ke nwam mu yoor tiwan mɔmɔk na la. Li ŋar ŋitimbol mɔmɔk ŋŋaan ki kuln ŋi, ŋaatunwanbir pu.

Jeremia 31:36

U puu ke tiwan aah naan pu na aah ga yunn pu na, kina le Israel aatimbol ga yunn.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Jeremia 49:36

M ga cha libuln nya ni ŋipepel mɔmɔk ki nan daa Elam pu, m ga cha kaanib yaa buen ni kookoo, ki ti saa buyoonn kaakusam ga li bi kitiŋ mɔmɔk ni na.

Esekiel 20:38

M ga nyan binib bi bi ni ponn ni ki ye bimɔyiib ni titunwanbirdam na. M ga nyan bi baah koo ntim mu ponn ni dandana na, ki mu aan cha bi gir ni Israel aatiŋ pu; le ni ga bee ke min le ye Uwumbɔr.”

Esekiel 36:19

M galn bi baabimbin ni baah nan tun pu na pu, le ki cha bi yaa koo biwɔwɔm aatingbaln ni.

Esekiel 39:28

Nima le maanib ga bee ke min le ye Bidindaan Uwumbɔr. Tiwan ni ga cha bi bee kina na le ye ke min le nan cha bi chur bi buen tinaagbiir ni, le ki ki kuun ni bi ki joo ni bi bibaa aatiŋ pu, kaa cha ubaa kina gaar puwɔb.

Esekiel 5:10

Kina pu na, tetiib ni natiib bi bi Jerusalem ponn ni na ga ŋmɔ baabim, le mbim mu ga ŋmɔ tetiib ni natiib. M ga daa nitafal le ki cha bi ŋmar na yaa buen ŋipepel mɔmɔk ni.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Tibɔnyaan ti Luk ŋmee ti na 22:31

Le Yesu bui Simonn Piita, “Simonn, Simonn, lik, kinimbɔŋ kan nsan ke ki tɔŋ nimi, aan ni lir.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.