Amos 9:7 - Uwumbɔr aagbaŋ

⁷ Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Amos 9:7 ပူးပေါင်းရင်းမြစ်များ

2 Bibɔrb 16:9

Ahas aagaŋ ngbaan pu, le Tiglaf Pileser nan di waajab buen Damaskus aatiŋ pu, le ki ti nyaŋ ki, le ki ku Ubɔr Resinn, le ki chur kaanib tinaagbiir buen Kir aatiŋ ni.

2 Bibɔrb Aabɔr 14:12

Asa ni Juda aajab aah ti tak Kus aajab na, le Uwumbɔr nyaŋ Kus yaab ngbaan. Bi nan san,

2 Bibɔrb Aabɔr 14:9

Kus aanii ubaa, bi nan yin u ke Sera nan di bijab ŋichur ŋichur lichur, ni itaan aatɔroku tiib ikui itaa koo Juda aatiŋ ni, ki yoor ti saa Maresa aatiŋ ni.

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Aisaya 22:6

Elam aatiŋ aatɔb aajab jak itaan ki fuu ni a, ki gor ki joo itɔi ni ipiin. Kir aatiŋ ni butɔb aajab gor baapen ki kii.

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 47:4

N‑yoonn fuu ni ke Filistia kuln, n‑yoonn fuu ni ke ki taa ki kan Taya ni Saidonn aaterm mu gur na. Min Uwumbɔr le ga kuln Filistia yaab, bi mɔmɔk nyan ni Krete aanyun aagbaan ni na.

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Amos 1:5

M ga gbaa wii Damaskus aatiŋ aabisamɔi mɔmɔk, le ki jenn nyan Afenn Aafataŋ ni aanib ni Bef Edenn aayidaan. Le bi ga chur Siria aanib mɔmɔk tinaagbiir ki di bi buen Kir aatiŋ ni.”

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Ikaal 2:23

Krete aadikl aanib le nan ka kpak Kaasisik ni Aanyusakpem aagbaan. Bima le nan kuln Afim yaab. Binib ngbaan le nan pue ka nima chee, le bi kuln bi, ki gaa baatiŋ ki dii ŋŋangii wɔb ki ti nyan Gasa aatiŋ ni.