Amos 9:3 - Uwumbɔr aagbaŋ

³ Bi yaa jon ti kal Kamel aajool paab kan, m ga ban kan bi ki chuu bi. Bi yaa koo nnyusakpem aataab ki ti bɔr mi kan, m ga cha nnyusakpem ponn ni aapeewanbiik juu bi.

Amos 9:3 ပူးပေါင်းရင်းမြစ်များ

Mpiin 3:8

Kijook ngbaan le bi ŋun Tidindaan Uwumbɔr chuun kisaak ni, le bi san ti bɔr isui aakaasisik ni.

2 Samuel 22:46

Bitaakpab yɔl la, le bi san gbeer nyani baapɔɔn aatim ni.

Job Aagbaŋ 22:13

Le aa ki baa ke, “Uwumbɔr nyi ba? ke ntaalangbam duk u, u ga ŋa kinye ki ji binib tibɔr?”

Job Aagbaŋ 34:22

Mbɔmbɔɔn mubaa aa bi ki bɔɔn sakpen ki ga ŋmaa bɔr titunwanbirdaan Uwumbɔr chee.

Ilahn 68:23

aan ni lul baasin ponn ni ki jer, aan nimi aabɔ ga ŋmaa lakr yaa gee pu na.”

Aisaya 27:1

Nwiin ngbaan daal kan, Uwumbɔr ga di waajaak aajuk ki pɔɔ ki ku na, ki di daa kipeewanbiik Lefiatann ki mur guŋ kina ki bi nnyusakpem ni na aatafal, ki ku ki.

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”