Amos 9:15 - Uwumbɔr aagbaŋ

¹⁵ M ga giin bi kaan, maah tii bi kitiŋ ki na pu, le ubaa aan ki ŋmaa daa nyan bi ki ni daalbaadaal.” Nidindaan Uwumbɔr le len kina.

Amos 9:15 ပူးပေါင်းရင်းမြစ်များ

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 80:8

Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Jeremia 16:15

Bi ga li gur puur m pu, ke Uwumbɔr u bi, ki nyan ni Israel aanib ŋŋangan wɔb aatiŋ ni, ni ntim mu mɔmɔk ni m nan cha bi yaa ki ti bi mu ni na la. M ga giin ni bi baatiŋ pu, kitiŋ ki m nan di tii biyaajatiib na pu. Min Uwumbɔr le len kina.”

Jeremia 23:8

Bi ga li gur puur maayimbil pu ke, ‘Uwumbɔr u bi ki nyan ni Israel aanib ŋŋangan wɔb aatiŋ ni, ni ntim mu ponn ni m cha bi yaa ki bi mu ponn ni na la.’ Le bi ga li koo bima bibaa aatiŋ pu.”

Jeremia 24:6

M ga li bi bi chee ki ki giin ni bi kitiŋ kee pu. M ga maa bi kaan, kaan ber bi; m ga di bi ŋum, kaan ki daa ŋɔb bi.

Jeremia 3:18

Israel yaab ga buen ti kpee Juda yaab pu, le bi mɔmɔk ga nya tinaagbiir ni, ŋŋangan wɔb aatiŋ na ponn ni, ki gir ni kitiŋ ki m nan di tii niyaajatiib ke ki li ye biyaan na pu.”

Jeremia 32:15

Uwumbɔr Mpɔɔnsakpiindaan, u ye Israel yaab Aawumbɔr na, bui ke bi ga nan ki daa ŋidichal, ni ikpaakon, ni ŋisubil aasar kitiŋ kee pu.”

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Esekiel 34:28

Ŋitimbol ŋi kaa nyi Uwumbɔr na aan ki yoor baawangol buen, le tipeewanbir mu aan ki ku bi ki ŋmɔ bi. Bi ga li bi ŋŋmarm ni, le ubaa aan ki cha ijawaan chuu bi.

Esekiel 37:21

ki tuk bi ke min Bidindaan Uwumbɔr ban m nyan maanib mɔmɔk ŋitimbol ŋi ponn ni bi buen na, ki kuun ni bi, ki giin ni bi bibaa aatiŋ pu.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Joel 3:20

M ga teen baah nan ku bi mɔmɔk na aapɔln; m ga daa unii umɔk tun taani na aatafal. Le binib ga li bi Juda ni Jerusalem aatim ni ki cha n‑yoonn mu kaa kpa ndoon na, le min Uwumbɔr ga li bi Sionn aajool pu.”

Maika 4:4

Unii mɔmɔk ga li bi nsuudoon ni ubaa aadaan aasubil, ni ŋisubil ŋiken aasui aasar ni, le ubaa aan faan u nima. Uwumbɔr Mpɔɔnsakpiindaan le puu kina.