Amos 9:11 - Uwumbɔr aagbaŋ

¹¹ Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Amos 9:11 ပူးပေါင်းရင်းမြစ်များ

Job Aagbaŋ 1:10

Aa kiir u ni waadichal, ni waah kpa tiwan nimɔk na n‑yoonn mɔmɔk. Aa ŋani saanyoor ŋani waatuln mɔmɔk pu, le ki tii u tiwakor ti ŋeer ki ga gaa litingbaln lee mɔmɔk na.

Ilahn 143:5

M teer n‑yoonn mu jer na; m dak saah nan tun pu n‑yoonn ngbaan na, saatun mɔmɔk beenin bi n‑yil ni.

Ilahn 80:12

Ba ŋa aa chuu ber idɔ i aa nan di gob bu na? Unii umɔk jer bu chee dandana wee na ga ŋmaa su bu aasubil;

Ilahn 89:40

Aa tur waatiŋ aagon lii kitiŋ, le ki cha waajawan aadir kpaln ŋilangben.

Aisaya 16:5

Le Ubɔrkpaan David aayaabil ubaa ji nnaan, le ki ga li joo binib ngbaan mbamɔm, ni ngeehm ni. Tiwan ni ye ibamɔn na, u ga ŋa ni mala kaan li taani, ki kan ke ibamɔn le ga li tun lituln.

Aisaya 5:5

“Maah ga ŋa maasaak ngbaan pu na sɔ: M ga chuu ŋɔi idɔ i m nan di gob ki aan i kii ki na, le ipeel i bir na nan ŋmɔ ki, ki taa taa bii ki.

Aisaya 58:12

Jerusalem aanib ga ki gir maa nimɔk nan ye tilangbenn n‑yoonn mu jer na, ki ki gir maa ŋidinyik ŋi nan puen bi na pu. Binib mɔmɔk ga bee nimi ke ni ye binib bi ki gir maa ŋigon ŋi lir na, ki ki fiini ŋidichal ŋi lir na siini na la.”

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Aisaya 65:9

M ga ŋa tinyoor ŋa Israel yaab ponn ni bi ye Juda aamaal aanib na, le biyaabitiib ga nan li yeh maajoo pu aatiŋ. Bi ye maanib bi m nyan bi na, ki mu ye maatutum. Bima le ga li koo nima.

Jeremia 18:9

Tɔ, m yaa ti ki bui ke m ŋum, bee m siin litimbol, bee nnaan,

Jeremia 30:9

Bi ga li gur tun min Bidindaan Uwumbɔr aatuln, ni maah ga nyan Ubɔrkpaan David aayaabil u kaan nnaan na aatuln la.

Jeremia 46:26

ki di bi tii binib bi ban ke bi ku bi na; m ga di bi tii Babiloŋ Aabɔr Nebukadnesar ni waajab. Le puwɔb na, binib ga nan ki li koo Ijipt aatiŋ ponn ni ke n‑yaayoonn na. Min Uwumbɔr le len kina.”

Inandalahn 5:21

Uwumbɔr, giin ni timi aabaa chee. Giin ni timi. Taah nan kpa kipak ki n‑yaajayoonn na, giin ki tii timi.

Esekiel 17:24

Isui i mɔmɔk bi kitiŋ ngbaan pu na ga bee ke min le ye Uwumbɔr. Min le ga gaa geei isui i fɔk na, ki cha i kaa fɔk na muun ki li fɔk. Min le ga kuur isusoon ki cha isukuun fikr ki bunn. Min Uwumbɔr le len kina. M ga ŋa maah bui ke m ga ŋa pu na.”

Esekiel 36:11

M ga cha binib ni tiwakor moo pɔr kpee. Ni ga wiir jer n‑yaayoonn na, le ki ga kan mbim pam. M ga cha ni li koo nima chee ke naah nan koo pu na, ki ga cha ni kan liwangol ki jer naah kaa kee kan pu na. N‑yoonn ngbaan le ni ga bee ke min le ye Uwumbɔr.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Maika 7:11

Jerusalem aanib, n‑yoonn mu ni ga ki gir maa kitiŋ kee aagon na choo. N‑yoonn ngbaan le nimi aapepel ga moo kpee.

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Maika 7:8

Timi aadim aa kpa nsan ke bi li kpa mpopiin timi aafalaa pu. Ti lir la, le ki mu tee ga ki fii. Ti bi mbɔmbɔɔn ni le dandana, le Uwumbɔr ga tii timi nwiihn.

Sekaria 12:7

“Min Uwumbɔr le ga puen di linyaŋ tii Juda aajab. Kina kan, liyimbil li ubɔr David aayaabitiib ni Jerusalem aanib ga kan na, aan jer Juda yaab bi gur na.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Sekaria 6:12

Bui u ke Uwumbɔr Mpɔɔnsakpiindaan bui ke, ‘Uja u bi yin u ke Mbon na ga pɔr waah bi nin chee na, ki gir maa min Uwumbɔr Aadichal.

Nkahm 24:18

U ga nyaŋ waadim bi mɔmɔk bi Edom aatiŋ ni na, ki gaa baatiŋ di ŋa uyaan, Israel yaab ga li nyaŋni kina le ki cha.