Amos 8:9 - Uwumbɔr aagbaŋ

⁹ N‑yoonn choo le nwiin ga lir liwinjakal pu, le dulnyaa bɔnn liwiyil pu. Min Nidindaan Uwumbɔr le len kina.

Amos 8:9 ပူးပေါင်းရင်းမြစ်များ

Job Aagbaŋ 5:14

hali nwinkapiin pu kan, bi chuun baani mbɔmbɔɔn ni la.

Aisaya 13:10

Iŋmabi mɔmɔk aan ki li wiin, le nwiin ga bɔln kaan ki li wiin, le uŋmal mu aan ki li wiin.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 15:9

Upii umɔk aabim mulole kpo na nan fik, kaa ki ŋmaa fuur. Waawiihn nan kpaln mbɔmbɔɔn la; u nan jin inimɔɔn, le usui bii. M ga cha nimi aadim ku nimi bi beenin fu na. Min Uwumbɔr le len kina.”

Esekiel 32:7

M yaa nan kuln si kan, m ga biin kitaapaak pu ki nyan iŋmabi. Nwiin ga bɔr ntaalangbam aapuwɔb, le uŋmal aan ki li wiin.

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Amos 5:8

Uwumbɔr le naan iŋmabi, ni paacham aawan mɔmɔk. U kpeln mbɔmbɔɔn ki di ŋa nwiihn, ki di nwiin pu mu kpeln ŋa kinyeek. Uma le yin nnyusakpem aanyun, ki joo kpir kitiŋ pu. Waayimbil le ye Uwumbɔr.

Maika 3:6

“Bibɔnabr, nimi aawiin bi door la; nwiin ga lir buyoonn naa kee gor na. Naah di maanib yenn pu na, le ni ga ŋa kina, naan ki kan tibɔkpiirkaan ti ni ga di nabr na, kaan ki ŋmaa bui ke tiwan nibaa ga ŋa, aan tiwan ngbaan sil ŋa kina.”

Sekaria 14:7

le libɔmbɔln mu aan li bi. Nwiin ga li bi nwiin pu ni kinyeek mu la. Uwumbɔr baanja le nyi buyoonn nimina ga ŋa na.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 27:45

Nwiin kaasisik ni le itingbaan mɔmɔk bɔln, ki ti saa nwiin aah kpar pu na.

Tibɔnyaan ti Mak ŋmee ti na 15:33

Nwiin kaasisik ni, le itingbaan mɔmɔk bɔln, ki ti saa nwiin aah kpar pu na.

Tibɔnyaan ti Luk ŋmee ti na 23:44

Ni nan ye nwiin kaasisik ni. Le dulnyaa mɔk bɔln, ki ti saa nwiin aah kpar pu na.

Tibɔkpiirkaan 6:12

Le m kan Upihbo ngbaan ki chuu dabr ndam loloob. Le kitiŋ deŋ sakpen. Le nwiin bɔln ke likekebɔln na. Le uŋmal mann ke nsin na.

Tibɔkpiirkaan 8:12

Le Uwumbɔr aatuun nanar mu pii waakakaan. Le nwiin ligetatar chuu gii ki bɔln. Uŋmal ligetatar, ni iŋmabi ligetatar mu chuu gii ki bɔln. Le nwiin ligetatar aa wiin. Kinyeek ligetatar mu aa wiin.