Amos 8:8 - Uwumbɔr aagbaŋ

⁸ Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Amos 8:8 ပူးပေါင်းရင်းမြစ်များ

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Jeremia 12:4

Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Jeremia 46:7

Ŋma ye ki fii paacham kina ke Nail aamɔɔl na, ki naahn ke limɔɔl le aah nyan nwam na.

Jeremia 46:8

Ijipt yaab le fii ke Nail Aamɔɔl na, ki naahn limɔɔl le aah nyan nwam na. Ijipt yaab nan bui ke, ‘Ti ga fii ki biin dulnyaa pu; ti ga kuln ntim, ni binib bi koo mu ponn ni na.

Jeremia 51:29

Uwumbɔr aah bi tun waatuln ke u ŋa Babiloŋ nteersakpiin, nin chee ubaa aa koo na, le kitiŋ dam ki jii.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 4:3

Kina pu le kitiŋ ga kuur, le tiwan nimɔk bi ki pu na ga kpoi. Tiwakor, ni inyoon, ni ijan mu ga kpoi.”

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Amos 9:5

Tidindaan Uwumbɔr Mpɔɔnsakpiindaan yaa meeh kitiŋ kan, ki deŋni la, le binib bimɔk bi nima na wii ikpowiil. Dulnyaa mɔmɔk fii ki lir ke Nail Aamɔɔsakpeln aah fii ki lir pu na la.

Nahum 1:8

U kuln waadim ke nwam mu san mala mala na la; u ku binib bi kpak u na la.

Matiu 24:30

N‑yoonn ngbaan le binib ga kan limɔkl li ga li bi paacham ki mɔk bi ke min Unibɔn Aabo choo na. N‑yoonn ngbaan le ŋinibol ŋimɔk bi dulnyaa wee ni na ga wii. Bi ga kan min Unibɔn Aabo bi ntaalangbam ni ki choo, ki wiin chain, ki joo mpɔɔn.