Amos 8:5 - Uwumbɔr aagbaŋ

⁵ Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

Amos 8:5 ပူးပေါင်းရင်းမြစ်များ

2 Bibɔrb 4:23

Le uchal baa u ke, “Ba ŋa aa ban aa buen din wee? Naa ye Likpaakool daal, kaa ye Uŋmapɔɔn Aajim aayoonn mu.” Le u gar u ke, “Taa cha ni muk si.”

Nnyam 31:13

ke u tuk Israel yaab ke, “Ni li joo likpaakool daal, nwiin mundaal ni ga fuur na; ba pu? mu ye limɔkl, le ki mɔk ke tipuur bi m ni nimi aakaasisik ni ki cha n‑yoonn mu choo na, le ki mɔk ke min Uwumbɔr le lee nimi, ni li ye maanib.

Ŋiyataŋak 11:1

Uwumbɔr nan binib bi joo beebee aawaŋaŋkaan ŋaŋni tiwan na. Usui piin tiwaŋaŋkaan ni ye nibamɔnn na pu.

Ŋiyataŋak 16:11

Tiwaŋaŋkaan ni ye nibamɔnn na nyan ni Uwumbɔr chee la. Uma le ŋa tiwaŋaŋkaan mɔmɔk naah bi pu na.

Ŋiyataŋak 20:23

Uwumbɔr aa gee binib bi joo tiwaŋaŋkaan ni kaa ye nibamɔnn na ŋaŋni tiwan na.

Aisaya 1:13

Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Hosea 12:7

Uwumbɔr bui ke, “Israel aanib ji biŋeen aatɔtiib ke Kanaann yaab na la; bi gee ke bi li joo tiwan ni kaa ye nibamɔnn na le ŋaŋni tiwan ki ji binib bi daa bi chee tiwan na.

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Liifai Yaab 19:36

Ni li joo mbamɔn aawan ŋaŋni tiwan mɔmɔk. Min le ye Nidindaan Uwumbɔr, le ki nyan ni nimi Ijipt aatiŋ ni.

Sekaria 5:6

M nan baa u ke, “Ni ye ba?” Le u gar mi ke, “Ni ye kibɔɔkuuk la, le ki si kitiŋ kee mɔmɔk aatunwanbir aasisii.”

Sekaria 5:8

Le ntuun ngbaan nan bui ke, “Upii umina le si mbiin aasisii,” le ki tur u bil kibɔɔkuuk ngbaan ni, ki di libiil biin.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Nkahm 10:10

Ni yaa ti ki ye nimi aapopiin aayoonn, mu ye Uŋmapɔɔn aajim, ni nimi aatoorkpaan aajim muken na kan, buyoonn ni ban ke ni toor kitork ki bi joo seer mmii ni na, ni kimɔbaan aatork tii mi na, ni pii kakaan tiib ngbaan, le m ga ter nimi. Min le ye Nidindaan Uwumbɔr.”

Kolosiya 2:16

Nima pu na, ni taa cha ubaa galn nimi tijikaar aakoobil pu, bee tiwanyukaan aakoobil pu, bee likpaakool daal aakoobil pu.

1 Samuel 20:5

Le David bui u ke, “Fen le fe ye Uŋmapɔɔn Aajim, le ni ŋan ke m ji mu ubɔr chee. Ni yaa ga li ŋan aa chee kan, m ga buen ti bɔr ikpaakon ponn ni, ki ti saa daalpu aajook.