Amos 8:4 - Uwumbɔr aagbaŋ

⁴ Li pel nimina man, nimi bi muk bifalaadam, ki ban ke ni ku doo bigiim kitiŋ kee ni na.

Amos 8:4 ပူးပေါင်းရင်းမြစ်များ

1 Bibɔrb 22:19

Mikaya nan ki len ke, “Tɔ, li pel man Uwumbɔr aah len pu na. M kan Uwumbɔr ka waabɔrjal pu paacham, le waatuuntiib mɔmɔk si gbɔk u.

Job Aagbaŋ 24:4

Baa cha bigiim kani baabamɔn; baatunwanbir pu le cha binib bi kaa kpa na san ti bɔrni.

Ilahn 10:7

Waamɔliin ye tipuun, ni inyamɔn, ni tifaan ŋmeen la, le ki len titunwanbir, ni kinanaŋ aabɔr mala mala.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 14:4

Le Uwumbɔr baa ke, “Baa nyi la aa? Titunwanbirdam ngbaan mɔmɔk ye binib bi kaa nyi na la aa? Bi su maanib kinaayuk le ki joo kpiini bibaa, kaa mee mi.”

Ilahn 140:12

Uwumbɔr, m nyi ke aa ter bigiim baabɔr ni, ki tii maa‑kpa‑dam baabamɔn.

Ilahn 56:1

Uwumbɔr, san mi kinimbaak, ba pu? binib ban mi ni linimaln la; maadim muk mi n‑yoonn mɔmɔk la.

Ŋiyataŋak 30:14

Binib bibaa ŋani bigiim ni bifalaadam mbiin ki kuln bi ke bi taa ki li bi na.

Aisaya 1:10

Jerusalem yaab, nimi aayidam ni nimi aanib naahn Sodom ni Gomora yaab la. Li pel man Uwumbɔr aah bi tuk nimi pu na. Pel man mbamɔm Uwumbɔr aah bi mɔk nimi pu na.

Aisaya 28:14

Tɔ, nimi bigaadam bi joo Jerusalem aanib bimina na, li pel man Uwumbɔr aah len pu na.

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Jeremia 5:21

Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Esekiel 45:10

“Unii mɔmɔk li joo tiwaŋaŋkaan ni ye nibamɔnn na ŋaŋni tiwan.

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Amos 7:16

Kina pu na, li pel Uwumbɔr aah len pu dandana wee na. Aa bui ke m di cha libɔnabr ki taa ki mooni tibɔbir Israel aanib pu.

Maika 2:2

Bi yaa ban ikpaakon kan, bi gaal i mpɔɔn la; bi yaa ban ŋidichal kan, bi gaal ŋi mpɔɔn la. Ubaa aadichal bee waawangol aa nyan tibɔr ni.

Maika 3:3

Ni ŋmɔ maanib la. Ni lui nyani baagban, le ki kool baakpab, ki chɔi chɔi bi ke baah ban bi di tinann ti ŋaa na.

Sekaria 5:6

M nan baa u ke, “Ni ye ba?” Le u gar mi ke, “Ni ye kibɔɔkuuk la, le ki si kitiŋ kee mɔmɔk aatunwanbir aasisii.”

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Jemisi 5:6

Nimi le bii bininyaam ki ku bi, le baa kpa mpɔɔn bi nyan bibaa nimi aaŋaal ni.