Amos 8:3 - Uwumbɔr aagbaŋ

³ Liyaadaal ngbaan kan, baah gaa ilahn i libɔrdichal ni na ga kpaln ikpowiil la. Ŋinikpol ga po li dɔ ni kookoo la. Le bi ga di bi mae liŋmiŋmiln.”

Amos 8:3 ပူးပေါင်းရင်းမြစ်များ

Ilahn 39:9

M ga li ŋmin, kaan len tibaa, ba pu? Sin le cha m ji falaa wee.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Jeremia 22:18

Le Uwumbɔr nan len Josia aajapɔɔn Jehoyakim, u nan ye Juda aabɔr na aabɔr ke, “Ubaa aan wii waakpuul, kaan len ke, ‘Ni kpa mpombiin sakpen, njɔ, ni kpa mpombiin sakpen a.’ Ubaa aan wii u pu, kaan moo u pu ke, ‘Maaninkpel, maabɔr.’

Inandalahn 2:10

Jerusalem aajaninkpiib gur ka kitiŋ le ki ŋmin chii, ki di titan puŋ biyil, ki pee tiwan ni saak kuub na. Bisapɔm ka tii biyil la.

Joel 1:11

Nimi bi ye bikpaab na, li wii man; nimi bi lik nimi aakpaakon na, li wii man, ba pu? idi, ni imuul, ni tijikaar mɔmɔk bii doo a.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:5

Finn ki li wii man, nimi bidagbiib; nimi bi ye bidanyurb na, li wii man; ŋisubil ŋi bi joo ŋaa ndapɔm na mɔmɔk bii doo a.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Amos 5:16

Kina pu na, Tidindaan Uwumbɔr Mpɔɔnsakpiindaan u kaa kpa ŋeen aatɔ na le len ke, “Kinimbaak aawiil le bi ga li kaani kitisakpeŋ aasan pu. Hali bikpaab ga nyan ni baasar ni ke bi nan wii binib bi kpoi na aakpowiil ki ter baah pan binib bi ke bi wii ikpowiil na.

Amos 5:23

Di cha naah gaa ilahn mpɔɔn pu ki gbaa tibar ki tii mi na man. Maan pel.

Amos 6:4

Nimi bi dɔ nimi aawandookaan ni diin ki ŋan na pu, ki ji n‑yaan ni nkpan na, naa ga nan li ŋan tii nimi kpala.

Amos 6:5

Ni gee ke ni li naani ilahn ke David aah nan naani pu na, ki joo gbaa tibar.

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Nahum 3:3

Baataan berni la, le kijaak aajum moor lak lak, le tikpaatunn mu moor. Bi kuun ŋinikpol paan tɔb pu paacham, ŋinikpol ŋi baa nyi ŋaakahm na, bijab gbeer ŋi le ki lir.

Sefania 1:7

Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.