Amos 8:12 - Uwumbɔr aagbaŋ

¹² Binib ga chuun liwipuul ni liwilir, ki nya ŋŋangan wɔb ki ti saa ŋŋangii wɔb. Bi ga lik ni kookoo ki ban Uwumbɔr aabɔr kaan kan ti.

Amos 8:12 ပူးပေါင်းရင်းမြစ်များ

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Ŋiyataŋak 14:6

Unii u yoor ubaa paacham sakpen na aan ŋmaa kan nlan, le bilandam ma yaa ban bi bae kan, naa pɔɔ bi.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Esekiel 20:3

U nan bui ke, “Unibɔn, len bijab bimina chee tibɔr ki bui ke Bidindaan Uwumbɔr len ke: Ni dan ke ni nan bee maageehn la, naa ye kina aa? Maah ye Uwumbɔr u bi n‑yoonn mɔmɔk na pu, maan cha ni baa mi tibaa. Min Bidindaan Uwumbɔr le len kina.

Esekiel 20:31

Hali din wee ni beenin tii ipiinbaan la, le ki joo nimi aabim toor kitork ki seer mmii ni tii ŋiwaabaan ŋi bi nan dii na, ki bii nibaa. Le nimi Israel yaab beenin choo ke ni nan baa ki bee maageehn aah ye pu na. Maah ye Nidindaan Uwumbɔr ki bi n‑yoonn mɔmɔk na pu, maan cha ni baa mi tibaa.

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Matiu 12:30

“Unii umɔk kaa dii mi na, u ye maadin la. Unii umɔk kaa kuuni binib tii mi na, u yaal bi la.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.