Amos 8:11 - Uwumbɔr aagbaŋ

¹¹ “N‑yoonn choo, buyoonn m ga tun ni nkon kitiŋ kee pu na. Nkon ga li joo binib, ni mu aan li ye tijikaar aakon; nnyunyuu ga li joo bi, ki mu aan li ye nnyun aanyunyuu. Uwumbɔr aabɔr aakon ni taanyunyuu le ga li joo bi. Min Uwumbɔr Mpɔɔndaan le len kina.

Amos 8:11 ပူးပေါင်းရင်းမြစ်များ

2 Bibɔrb Aabɔr 15:3

Israel aanib nan bi ni yunn pam, kaa nyi Uwumbɔr bamɔnn, kaa kpa bitotoorb bi ga mɔk bi na, kaa kpa nkaal mu.

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Maika 3:6

“Bibɔnabr, nimi aawiin bi door la; nwiin ga lir buyoonn naa kee gor na. Naah di maanib yenn pu na, le ni ga ŋa kina, naan ki kan tibɔkpiirkaan ti ni ga di nabr na, kaan ki ŋmaa bui ke tiwan nibaa ga ŋa, aan tiwan ngbaan sil ŋa kina.”

Matiu 9:36

Waah kan kinipaak ngbaan na, le u san bi kinimbaak sakpen; ba pu? bi naahn ipiih i yɔl ki dɔ kitiŋ, kaa kpa upihkpaal na la.

1 Samuel 28:15

Le Samuel baa Sɔɔl ke, “Ba ŋa aa muk mi kina? Ba ŋa aa cha m gir ni?” Le Sɔɔl kii u ke, “M bi limukl sakpeln ni la. Filistia yaab bi to mi butɔb la, le Uwumbɔr siir cha mi. Waa ki gar mi tidaŋ ponn ni, bee waabɔnabtiib chee. Kina pu le m yin si ke aa nan bui mi maah ga ŋa pu na.”

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.