Amos 8:10 - Uwumbɔr aagbaŋ

¹⁰ M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Amos 8:10 ပူးပေါင်းရင်းမြစ်များ

Mpiin 21:16

le ki buen ti kal nibaa chee ni daa siib ki cha ubo ngbaan. U nan bui ke, “Maan ŋmaa li ka ki kan maabo aah ga kpo pu na.” Le u nan ka nima ki wii.

Job Aagbaŋ 20:23

Cha u ji waah ban pu na mɔmɔk. Uwumbɔr aaŋuusakpeln ni le u ga daa utafal.

Job Aagbaŋ 3:5

Cha mu ŋa timm, ni mbɔmbɔɔn sakpiin, cha ntaalangbam biin mu pu, ki duŋ nwiin.

Job Aagbaŋ 30:31

Nin chee m nan ŋun mpopiin aalahn pu na, m gur ŋun ikpowiil ni iwiil pu la.

Aisaya 3:24

Baah ba ga li ŋmir tulalee pu na, bi ga li nu la; baan ki buu ŋigbapapan, bi ga li buu tichɔsɔnn aaŋmin la; baan ki li kpa tiyikpir ti ŋan na, bi ga li gur ye ŋiyikun ŋmeen la; baan ki gbab ŋikekenyaan, tikekekpir le bi ga li gbae; le baanyaan ga kpaln inimɔɔn.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 48:37

Bi mɔmɔk kuu biyikpir ni bilangban lii. Bi di njum geei ki daan biŋaal, le bi mɔmɔk pee tiwanpeenkaan ni saak kuub na.

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Inandalahn 5:15

Taa ki kpa mpopiin; mpombiin cha taa ki waa liwaal.

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Esekiel 7:2

“Unibɔn, min Aadindaan Uwumbɔr aah len Israel aatiŋ aabɔr ti na sɔ: Kitiŋ ngbaan aadoon le na.

Hosea 2:11

M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Joel 1:8

Nimi binib, li wii man, ke usapɔɔn aah ban u mɔn uja u na aah kpo kan, u wii pu na.

Liifai Yaab 13:40

Uja aayikpir yaa gui ugbangbataab bee uyigbeer kan, nima aan cha u ŋa tijɔŋdaan.

Amos 5:21

Uwumbɔr ki len ke, “Maa gee naah kuuni ki ji njim ki dooni mi pu na; naa ŋan m chee kpala.

Amos 5:23

Di cha naah gaa ilahn mpɔɔn pu ki gbaa tibar ki tii mi na man. Maan pel.

Amos 8:3

Liyaadaal ngbaan kan, baah gaa ilahn i libɔrdichal ni na ga kpaln ikpowiil la. Ŋinikpol ga po li dɔ ni kookoo la. Le bi ga di bi mae liŋmiŋmiln.”

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Ikaal 16:14

Nimi, ni nimi aabim, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim ni na kpaan ji mu, ki li mɔɔni, ki li kpa mpopiin.