Amos 7:8 - Uwumbɔr aagbaŋ

⁸ le u baa mi ke, “Amos, aa waa ba?” Le m bui u ke, “Likpaln li bi joo ŋaŋni tiwan na.” Le u bui mi ke, “M joo li ke m di mɔk si ke maanib naahn ligoln li bi maa li aan laa tuk na la. Maan ki kpeln maalandak maah ga daa bitafal pu na.

Amos 7:8 ပူးပေါင်းရင်းမြစ်များ

2 Bibɔrb 21:13

M ga daa Jerusalem yaab aatafal ke maah nan ŋa Samaria aatiŋ, ni Israel yaab aabɔr Ahab ni uyaabitiib pu na. M ga ŋar Jerusalem aatiŋ aanib ŋŋaan chain ke baah ŋir lisambil chain chain ki labr li chiŋni pu na.

Aisaya 28:17

Ibamɔn le ga li ye ŋŋmin mu bi ga li joo ŋaŋni nsisii ngbaan na, le mbimbinyaan ga li ye tiwan ni bi joo ŋaŋni mu aanyonyoo na.” Kitaabuŋ ki joo ni ŋitaatakpal na le ga ŋar inyamɔn i ni bui ke ni bi ima le pu na ŋŋaan, le nwam kuln tiwan ni mɔmɔk kii nimi na mɔmɔk.

Aisaya 34:11

Ki ga kpaln ifiin ni ikaabɔn aatiŋ la. Uwumbɔr ga ŋa ki tilangbenn ŋmeen, kitiŋ ki kaa kpa tinyoor tibaa na la.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Inandalahn 2:8

Uwumbɔr puu ke Sionn aagon lir kitiŋ. U nan ŋaŋ ŋi ke u sil kan ŋaalirm. Bikikiib aadir na, ni ŋigon mɔmɔk ber le ki dɔ kitiŋ.

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Amos 7:7

Uwumbɔr nan ki kpiir tiwan nimina mɔk mi tidaŋ ponn ni. M nan kan u, le u si gbɔk ligoln li bi di likpaln li bi joo tukni tiwan ni tuk na maa li na, le ki joo likpaln uŋaal ni,

Amos 8:2

Le Uwumbɔr bui mi ke, “Buyoonn maanib Israel yaab ga doo na ŋeer le na; maan ki kpeln maalandak ke maan daa bitafal.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Sekaria 4:2

U nan baa mi ke, “Aa waa ba?” Le m gar u ke, “Karyaa aah chɔŋni salmaa aawan ni pu na. Likpasambil chɔk ni paacham. Karyaa tiib bilole le chɔk ni pu ki kpa ŋipal.

Sekaria 5:2

Le ntuun ngbaan baa mi ke m waa ba? Le m gar u ke, “M waa kigbakpaikee ki laani paacham na la; kaafɔfɔk ye ŋitaa piitaa, le kaawawaan mu ye ŋitaa kipiik ni ŋiŋmu.”