Amos 7:7 - Uwumbɔr aagbaŋ

⁷ Uwumbɔr nan ki kpiir tiwan nimina mɔk mi tidaŋ ponn ni. M nan kan u, le u si gbɔk ligoln li bi di likpaln li bi joo tukni tiwan ni tuk na maa li na, le ki joo likpaln uŋaal ni,

Amos 7:7 ပူးပေါင်းရင်းမြစ်များ

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

2 Samuel 8:2

Le u ki nyaŋ Moab yaab mu. U nan cha waah chur bi tinaagbiir na doon kitiŋ, le u ti nyan binib bitaa ponn ni bilee ki ku bi. Kina pu le Moab yaab gur tun tii u, ki pa lampoo tii u.

2 Bibɔrb 21:13

M ga daa Jerusalem yaab aatafal ke maah nan ŋa Samaria aatiŋ, ni Israel yaab aabɔr Ahab ni uyaabitiib pu na. M ga ŋar Jerusalem aatiŋ aanib ŋŋaan chain ke baah ŋir lisambil chain chain ki labr li chiŋni pu na.

Aisaya 28:17

Ibamɔn le ga li ye ŋŋmin mu bi ga li joo ŋaŋni nsisii ngbaan na, le mbimbinyaan ga li ye tiwan ni bi joo ŋaŋni mu aanyonyoo na.” Kitaabuŋ ki joo ni ŋitaatakpal na le ga ŋar inyamɔn i ni bui ke ni bi ima le pu na ŋŋaan, le nwam kuln tiwan ni mɔmɔk kii nimi na mɔmɔk.

Aisaya 34:11

Ki ga kpaln ifiin ni ikaabɔn aatiŋ la. Uwumbɔr ga ŋa ki tilangbenn ŋmeen, kitiŋ ki kaa kpa tinyoor tibaa na la.

Inandalahn 2:8

Uwumbɔr puu ke Sionn aagon lir kitiŋ. U nan ŋaŋ ŋi ke u sil kan ŋaalirm. Bikikiib aadir na, ni ŋigon mɔmɔk ber le ki dɔ kitiŋ.

Esekiel 40:3

U nan moo di mi foor buen, le m kan unii u moor lak lak ke tikumann na. U nan joo tiwaŋaŋkaan ni bi di ŋitanyaan ŋa ni na, ni tikur aadabil li bi joo ŋaŋni tiwan na, ki si mbisamɔb mubaa chee.

Amos 7:6

Le Uwumbɔr ki kpeln waalandak ki bui ke, “Nimina mu aan ki ŋa kina.”

Amos 7:8

le u baa mi ke, “Amos, aa waa ba?” Le m bui u ke, “Likpaln li bi joo ŋaŋni tiwan na.” Le u bui mi ke, “M joo li ke m di mɔk si ke maanib naahn ligoln li bi maa li aan laa tuk na la. Maan ki kpeln maalandak maah ga daa bitafal pu na.

Tibɔkpiirkaan 11:1

Le bi tii mi tiwaŋaŋkaan ni naahn lidabil na, le nneel bui ke, “Li cha ti ŋaŋ Uwumbɔr Aadiik, ni kitork aabimbiln, ki lik naafɔfɔk, ki kahn binib bi dooni Uwumbɔr nima chee na.

Tibɔkpiirkaan 21:15

Uwumbɔr aatuun u len m chee na joo salmaa aadabil u ti ŋaŋ kitiŋ ngbaan ki lik kaah wiir pu na, ki ŋaŋ ki lik ligoln aabisamɔi aah waa pu na, ki ŋaŋ ki lik ligoln mu aah fɔk pu na.