Amos 7:5 - Uwumbɔr aagbaŋ

⁵ Le m bui ke, “Ndindaan Uwumbɔr, di cha. Saanib ga ŋa kinye ki ŋmar? Bi par pam kaa kpa mpɔɔn mubaa.”

Amos 7:5 ပူးပေါင်းရင်းမြစ်များ

Ilahn 85:4

Uwumbɔr u gaal timi lir na, giin ni timi aabaa chee, ki cha aasui li piin ti pu.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Jeremia 30:19

Binib bi koo nima na ga gaa kipak aalahn; mpopiin ga dan le bi li tar. M ga di ŋŋaal biin bi pu le bi pɔr kpee; le kina ngbaan tii bi liyimbil.

Esekiel 9:8

Baah bi ku binib kina na, m nan si nima mbaa baanja la. M nan tar lir kitiŋ lichichikr le ki teen ke, “Ndindaan Uwumbɔr, saaŋuul fii Jerusalem aatiŋ pu sakpen le aa ban aa ku unii umɔk gur Israel aatiŋ pu na aa?”

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Nkahm 14:19

Tɔ, Uwumbɔr, m mee si la, saah kpa ngeehm sakpen pu na, cha pinn binib bee aatunwanbir, ke saah ti cha pinni bi baatunwanbir, n‑yoonn mu aa nyan ni bi Ijipt aatiŋ ni ki nan saa din na.”