Amos 7:4 - Uwumbɔr aagbaŋ

⁴ Tidindaan Uwumbɔr le nan ki kpiir tiwan nimina mu mɔk mi tidaŋ ponn ni. Tidaŋ timina ponn ni m nan kan ke u gor ubaa ke u di mmii daa waanib aatafal. Mmii ngbaan nan cha nnyusakpem mu dɔ kitiŋ kee aataab na foor, ki piin ki bi wu kitiŋ mu.

Amos 7:4 ပူးပေါင်းရင်းမြစ်များ

Aisaya 27:4

Maa ki gee ki pu liŋuul. Ikokon le yaa ba bi ki ponn ni kan, m ba ga see i mmii ki kuln i.

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Esekiel 21:3

ke min Uwumbɔr len ke: M ye saadin la. M ga fuur maajaak aajuk ki ku ni mɔmɔk, bi ŋan na ni bi kaa ŋan na mɔmɔk.

Joel 1:19

Uwumbɔr, m wii mpɔɔn pu ki yin si la, ba pu? timoor ni isui mɔmɔk kuur, ke mmii le aah wun ni mɔmɔk na.

Joel 2:30

M ga ŋa lijinjiir aawan kitaapaak ni, ni kitiŋ pu; nsin, ni mmii, ni iŋmanyuu ga li bi.

Liifai Yaab 10:2

Baah ŋa kina na, libuul ngbaan ni, le Uwumbɔr cha mmii dan le ki nan ku bi, unimbiin ni.

Amos 1:4

Kina pu na, m ga cha mmii wu ubɔrkpaan Hasael aabɔrdichal, ki see ubɔrkpaan Ben‑Hadad aadichal ŋi fɔk ki pɔɔ na mɔmɔk mmii.

Amos 1:7

Kina pu na, m ga cha mmii wu Gasa aatiŋ aagon, ni kaadichal ŋi fɔk ki pɔɔ aan bi maa kiir bibaa na mɔmɔk.

Amos 2:5

Kina pu na, m ga cha mmii wu Juda ki wu Jerusalem yaab aah maa ŋidichal ŋi fɔk ki pɔɔ kiir bibaa na mɔmɔk.”

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Amos 7:1

Tidindaan Uwumbɔr le kpiir tiwan nimina mɔk mi tidaŋ ponn ni. Tidaŋ ngbaan ponn ni m nan kan u naan itoon buyoonn bi chee ubɔrkpaan aamoor ki doo aan timopɔln ki bi tukni na.

Amos 7:7

Uwumbɔr nan ki kpiir tiwan nimina mɔk mi tidaŋ ponn ni. M nan kan u, le u si gbɔk ligoln li bi di likpaln li bi joo tukni tiwan ni tuk na maa li na, le ki joo likpaln uŋaal ni,

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Nkahm 16:35

Le Uwumbɔr nan cha mmii nyan ni, ki nan wun bijab ikui ilee ni piiŋmu bi nan joo ni tulalee aayon waabimbiln chee na.

Ikaal 32:22

Maaŋuul ga fii bi pu ke mmiigaal na ki wu tiwan nimɔk bi dulnyaa wee ni na. Mu ga gaa ki ti pii kitekpiitiŋ ni, le ki wu ŋijoo aataab pel pel.

Hiibru Yaab 1:7

Uwumbɔr len waatuuntiib aabɔr, ke u cha waatuuntiib tun waatuln la, ke libuln ni mmiigaal aah tun waatuln pu na.

Tibɔkpiirkaan 4:1

Waah len ti doo na, le m kan Uwumbɔr do aabisamɔb piir. Le nneel mu naahn kakaan ki len m chee njan na le len ke, “Dan paacham do, le m ga mɔk si budabu ga sil ŋa n‑yoonn mue aapuwɔb na.”