Amos 7:2 - Uwumbɔr aagbaŋ

² Maadaŋ ngbaan ponn ni m nan kan itoon ngbaan ŋman tiwan nimɔk soon na kitiŋ ngbaan pu doo, le m bui ke, “Ndindaan Uwumbɔr, di cha pinn saanib. Bi ga ŋa kinye ki ŋmar? Bi par le kaa kpa mpɔɔn.”

Amos 7:2 ပူးပေါင်းရင်းမြစ်များ

Ilahn 12:1

Uwumbɔr, ter timi; ujanyaan ubaa kina aa gur; binib bi si chob na aa ki bi.

Nnyam 10:15

I nan lir gbiin kitiŋ ni, le kitiŋ ti bɔnn. I nan ŋman timoor ni tifar ti nan gur na, ki kpee ŋisubil ŋi nan baa isui pu na. Timosɔnn ni tifasɔnn tibaa aa nan ki gur Ijipt aatiŋ ngbaan ni.

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 51:19

Tibɔbir nfum mulee le lir ni pu: butɔb bii nimi aatiŋ kookoo, le nimi aanib kpoi nkon. Ubaa aa bi u san nimi kinimbaak.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Esekiel 11:13

Maah bi nabr Uwumbɔr aabɔr kina na, le Pelatia lir kpo. M nan tar lir kitiŋ lichichikr le ki teen ke, “Ndindaan Uwumbɔr, maa kii. Aa ban aa ku unii umɔk gur Israel aatiŋ pu na la aa?”

Esekiel 9:8

Baah bi ku binib kina na, m nan si nima mbaa baanja la. M nan tar lir kitiŋ lichichikr le ki teen ke, “Ndindaan Uwumbɔr, saaŋuul fii Jerusalem aatiŋ pu sakpen le aa ban aa ku unii umɔk gur Israel aatiŋ pu na aa?”

Daniel 9:19

Tidindaan, ŋun timi aameel. Tidindaan, di cha pinn timi. Tidindaan, ŋun timi aameel, ki ter timi. Taa cha ni yunn, aan binib mɔmɔk bee ke sin le ye Uwumbɔr. Kitiŋ kimina ni binib bee ye sin yaan la.”

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Amos 7:5

Le m bui ke, “Ndindaan Uwumbɔr, di cha. Saanib ga ŋa kinye ki ŋmar? Bi par pam kaa kpa mpɔɔn mubaa.”

Tibɔkpiirkaan 9:4

le ki tuk i ke i taa ŋmɔ timoor, ki taa ŋmɔ tijikaar, ki taa ŋmɔ isui, i li junni binib bi kaa kpa Uwumbɔr aadaan biyigbeer pu na;