Amos 7:17 - Uwumbɔr aagbaŋ

¹⁷ Kina pu na, Uwumbɔr le len sin Amasia chee na, ‘Aapuu ga kpaln upiidagoor le kitiŋ kimina ponn ni, le bi ga ku saabim mu butɔb ni. Bi ga yakr saatiŋ tii biniyayam, le sin aabaa ga ti kpo kitiyayaŋ ni la. Le bidim ga sil chuu Israel yaab ki di bi buen kitiyayaŋ ni.’”

Amos 7:17 ပူးပေါင်းရင်းမြစ်များ

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Aisaya 13:16

Bi ga li si lik kaa ŋmaa ŋa nibaa le bi chur baabim ti gbaa ku bi, le ki koo yoor baawan baadichal ponn ni, aan ki chur bipuutiib ki doon bi chee mpɔɔn.”

Aisaya 22:18

U ga yoor si ke litakpal na ki di mee lii litingbaln li wiir sakpen na ni. Aa ga kpo nima chee, itaan aatɔroku tiib bi aa kpa kipupuk bi pu na chee. Aa jinni saadichandaan inimɔɔn la.

Jeremia 14:16

Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 20:6

Sin Pasur ma, ni saadichal kan, bi ga chur ni mu tinaagbiir buen Babiloŋ aatiŋ ni. Nima chee le aa ga ti kpo le bi sub sin ni aajɔtiib bi mɔmɔk aa nan geei inyamɔn pam tuk bi na.’”

Jeremia 28:12

Nee aapuwɔb, le Uwumbɔr bui mi

Jeremia 28:16

Kina pu na, Uwumbɔr ubaa len ke u ga ku si. Saah bui binib ngbaan ke bi yii Uwumbɔr aamɔb na, aa ga kpo waahr aan libiln lee nin jer.”

Jeremia 29:21

“Uwumbɔr Mpɔɔnsakpiindaan, u ye Israel yaab Aawumbɔr na, len Kolaya aajapɔɔn Ahab ni Maaseya aajapɔɔn Sedekia, bi chuun joo waayimbil geei inyamɔn tuk nimi na aabɔr. U len ke u ga di bi ŋa Babiloŋ Aabɔr Nebukadnesar aaŋaal ni, le u ku bi ninimbil ni.

Inandalahn 5:11

Bi chur tipuutiib mpɔɔn ki doo bi chee Sionn Aajool pu; bi chur tibisatiib mpɔɔn ki doo bi chee Juda aatim mɔmɔk ni la.

Esekiel 4:13

Uwumbɔr nan ki bui ke, “Nimina le ga li ye Israel yaab aah ga li ji tijikaar ti Nkaal bui ke ti kɔ na, buyoonn m cha bi yaa ki bi biwɔwɔm aatim ni na.”

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Amos 6:7

Kina pu na, nimi le ga puen buen tinaagbiir ni. Le nimi aajim mɔmɔk ga doo.

Amos 7:11

Waah len pu na sɔ: ‘Jeroboam ga kpo butɔb ni, le Israel aanib aadim ga chuu bi ki di buen kitiyayaŋ ni.’”

Amos 8:1

Tidindaan Uwumbɔr le nan ki di tiwan nimina mɔk mi tidaŋ ponn ni. Tidaŋ ngbaan ponn ni m nan kan ŋisubil ŋi ŋeer limool na kibɔɔkuuk ponn ni. Le Uwumbɔr baa mi ke, “Amos, aa waa ba?” Le m bui u ke, “M waa ŋisubil ŋi ŋeer limool na kibɔɔkuuk ponn ni la.”

Amos 9:1

M nan kan Uwumbɔr si gbɔk kitork aabimbiln, le ki tii waamɔboln ke: “Faa man Maadichal aagon mpɔɔn pu aan kaadipimoor deŋ. Gbaa wii ŋi aan ŋi lir binib ngbaan aayil pu man. M ga ku binib bi gur na butɔb ni la. Ubaa aan san ŋmar; ubaa kina aan ŋmar. Hali bi yaa gbii ibuu ki koo kitekpiitiŋ ni kan, m ga chuu bi.

Amos 9:8

Min Uwumbɔr Mpɔɔndaan ka ki lik titunwanbir sakpenn ti Israel aanaan mue tun na, ki ga doo mu dulnyaa wee ni. Maan tee ku biyaabitiib doo.

Maika 1:16

Juda aanib, kuu nimi aayikpir man ki li wii naah gee nimi aabim bi na pu. Kuu ŋiyikun ke nangba tiib na man, ba pu? bi ga di nimi aabim buen kitiyayaŋ ni ki cha nimi.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.