Amos 7:15 - Uwumbɔr aagbaŋ

¹⁵ Le Uwumbɔr chuu nyan mi maapihkpaal ponn ni ki bui mi ke m ti nabr waabɔr tuk waanib Israel yaab.

Amos 7:15 ပူးပေါင်းရင်းမြစ်များ

2 Samuel 7:8

“Kina pu na, bui maatutunn David ke min Uwumbɔr, u yeh mpɔɔn na, le bui u ke, ‘Aa nan ye upihdaan le ki lik ipiih timoor ni, le m lee si ki di ŋa Israel yaab aajojoor.

1 Bibɔrb 19:19

Elaija nan siir le ki ti kan Elaisa bi joo inaa ko; inaa ilelee ŋiker kipiik ni libaa loln u pu nsan le u joo kookoo yaal na ko paa. Elaija nan chuu peer libɔkul li u pee paa paacham na ki di paan Elaisa pu.

Jeremia 1:7

Le Uwumbɔr bui mi ke, “Taa bui ke aa par sakpen. Li cha maah tun si binib bi chee na, ki ti bui bi maah bui si ke aa len pu na mɔmɔk.

Jeremia 26:12

Le m bui ke, “Uwumbɔr le tun ni mi ke m nan di tibɔr ti mɔmɔk ni ŋun m joo mooni len Waadichal ni kitiŋ pu na len.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Matiu 9:9

Le Yesu siir nima ki buen. Waah cha na, le u kan ulampoogaar ubaa bi yin u ke Matiu. U ka baah gaal lampoo nin chee na. Le Yesu bui u, “Li dii mi.” Le u fii ki dii u.

Lituln 1:8

Waafuur Nyaan yaa nan gbiin nimi kan, ni ga li kpa waapɔɔn, ki ga li ye maaseeraadam Jerusalem ponn ni, ni Judea aatim mɔmɔk ni, ni Samaria aatim ni, ni dulnyaa aanaan mɔmɔk ni.”

Lituln 4:20

Ti ga li beenin tuk binib taah kan pu na, ni taah ŋun pu na. Taan ŋmaa yii.”

Lituln 5:20

“Li cha ti sil Uwumbɔr Aadichal ni, ki tuk binib limɔfal ngbaan aabɔr mɔmɔk.”

1 Samuel 10:11

Binib bi nan puun nyi u na kan waah bi ŋani pu na, le ki baa tɔb ke, “Ba ŋa Kis aajapɔɔn wee? Sɔɔl mu kpaln Uwumbɔr aabɔnabr la aa?”