Amos 7:12 - Uwumbɔr aagbaŋ

¹² Amasia aah nan tuk Amos pu na sɔ: “Uwumbɔr aabɔnabr, nima ngbaan ŋeer kina. Gir li cha Juda ki ti li mooni Uwumbɔr aabɔr nima, ki cha bi pa si tibɔr ngbaan pu.

Amos 7:12 ပူးပေါင်းရင်းမြစ်များ

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

Aisaya 30:10

Bi tuk Uwumbɔr aabɔnabr ke bi ŋmin. Bi len le ke, “Taa bui man timi mbimbin mu ŋan na aabɔr. Bui man timi taah ban ti ŋun pu na. Cha ti li joo timi aajoon.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Amos 2:12

Le ni cha maatutum ngbaan nyu ndaan, ki bui maabɔnabtiib na ke bi taa nabr maabɔr.

Amos 7:11

Waah len pu na sɔ: ‘Jeroboam ga kpo butɔb ni, le Israel aanib aadim ga chuu bi ki di buen kitiyayaŋ ni.’”

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Matiu 8:34

Kitiŋ ngbaan aanib aah ŋun kina na, le bi mɔmɔk dan ki nan tooh Yesu nsan ni. Baah kan u na, le bi gaŋ u ke u nyan baatiŋ ni.

Tibɔnyaan ti Luk ŋmee ti na 13:31

N‑yoonn ngbaan le Farisii yaab bibaa dan Yesu chee, ki nan bui u, “Nya do chee, ki li cha. Ubɔr Herod ban u ku si la.”

Lituln 16:39

Le bi buen Pɔɔl ni Sailas chee ki ti sɔŋ bisui, ki nyan bi kiyondiik ni, le ki gaŋ bi ke bi nya kitiŋ ngbaan ni.

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

1 Korenti 2:14

Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.

1 Piita 5:2

ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

1 Samuel 2:36

Aayaabitiib ponn ni u ŋmar na ga li chaa utotoor ngbaan chee le ki ti mee ŋimombil, ni tijikaar, le ki gaŋ u ke u cha u ter bitotoorb baatuln ni, aan ki kan nibaa ki ti kpiin ubaa.”

1 Samuel 9:9

Le Sɔɔl kii u ke, “Ti ŋan. Ti li cha.” Le bi siir buen kitiŋ ki ponn ni Uwumbɔr aanii ngbaan koo na. Baah bi joi ligongoln ki cha kitiŋ ngbaan ni na, le bi ton bisapɔm bibaa nsan ni, bi nan cha bi ti lu nnyun. Le bi baa bisapɔm ngbaan ke, “Ukakann na bi kitiŋ ni ii?” N‑yoonn ngbaan bi nan yin Uwumbɔr aabɔnabr ke ukakann la, kina pu na, unii yaa nan ban u baa Uwumbɔr mbaa kan, u ga bui le ki, “Cha ti buen ukakann na chee.”