Amos 7:10 - Uwumbɔr aagbaŋ

¹⁰ Amasia, u nan ye utotoor ki bi Betel aatiŋ ni na, le nan tun ti tuk Israel aabɔrkpaan Jeroboam ke: “Amos chuun ban isan binib chee ke u nyan si nnaan ni la. Waabɔlen ga bii litimbol lee doo.

Amos 7:10 ပူးပေါင်းရင်းမြစ်များ

Mpiin 37:8

Le ukpetiib baa u ke, “Aa dak ke sin le ga li ye timi aabɔr ki lik timi ii?” Le waadaŋ ngbaan aabɔr ni waah len pu na nan cha liŋuul moo chuu ukpetiib, le bi nan u sakpen.

1 Bibɔrb 13:33

Israel yaab aabɔr Jeroboam aa nan di cha waatunwanbir aatuln, le ki tee beenin nyani bitotoorb imaal i kaa ye bitotoorb aamaal na ponn ni, ke bi li tun ŋitun waah maa ŋibimbin ŋi na pu. Unii umɔk nan len ke u ban u ŋa utotoor na kan, u nan kaani udaan la.

1 Bibɔrb 18:17

Ahab aah ti kan u na, le u bui u ke, “Sin le na aa? Israel yaab aabɔbankpaan.”

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 36:16

Waah karn ki ti doo na, le bi fenn lik tɔb, le ijawaan bi binimbil ni, le bi bui Baruk ke, “See ti tuk ubɔr tibɔr tee,”

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Amos 1:1

Tibɔr ti Amos u ye upihkpaal ki nyan ni Tekoa aatiŋ ni na nan len na sɔ. Ŋibin ŋilee waahr aan kitiŋ nin deŋ na, n‑yoonn ngbaan le Usia nan ye Juda aabɔrkpaan aan Jehoas aajapɔɔn Jeroboam mu nan ye Israel aabɔrkpaan na, le Uwumbɔr nan kpiir Israel aatiŋ aabɔr timina mɔmɔk tuk Amos.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Amos 5:10

Nimi le nan binib bi len ibamɔn kaa gee inyamɔn aabɔr na.

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Amos 7:11

Waah len pu na sɔ: ‘Jeroboam ga kpo butɔb ni, le Israel aanib aadim ga chuu bi ki di buen kitiyayaŋ ni.’”

Matiu 21:23

Yesu nan koo Uwumbɔr Aadichal ni, le ki tuk binib Uwumbɔr aabɔr. Waah ŋani kina na, le Uwumbɔr aatotoorninkpiib ni Juu yaab aaninkpiib dan u chee ki nan baa u, “Aa kpa nsan ke aa ŋa saah ŋani pu na aa? Ŋma tii si nsan ngbaan?”

Tibɔnyaan ti Luk ŋmee ti na 23:2

le ki piin ki bi galni u, ki bui ke, “Ti kan uja wee ŋmanni timi aanibol la. U tuk bi ke bi taa ki pa lampoo tii Ubɔrkpaan Siisa, ke uma ubaa le ye Kristo u ga gaa binib lii na, ki ye Ubɔr.”

Lituln 24:5

Ti nyi ke Pɔɔl muk binib sakpen. U muk Juu yaab bi bi dulnyaa wee mɔmɔk ni na, ki cha bi ŋmɔ tijar. Binib bibaa bi, ki dii Yesu u ye Nasaref aatiŋ aanii na aasan. Pɔɔl ye bi ponn ni aaninkpel ubaa la.

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”

Lituln 7:54

Stiifen aah len kina na, le liŋuul chuu binib ngbaan, le bi ŋmɔ ŋinyin.