Amos 6:8 - Uwumbɔr aagbaŋ

⁸ Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Amos 6:8 ပူးပေါင်းရင်းမြစ်များ

Mpiin 22:16

“M ga puu maayimbil pu ke m ga ŋa tinyoor ŋa aa pu pam. Min Uwumbɔr le len kina. Saah ŋa pu, kaa yii ke saan di aajapɔɔn tii mi na,

Ilahn 106:40

Le Uwumbɔr aaŋuul nan fii bima waanib pu; bi nan gur sukr uponn ni la.

Ilahn 47:4

U lee kitiŋ ki ti ga li bi ki pu na tii timi, liwangol li ye waah gee binib bi na yaan na.

Ilahn 50:12

Nkon yaa ba joo mi kan, maa ba ga tuk nimi, ba pu? dulnyaa wee mɔmɔk, ni nimɔk bi u ni na ye min yaan la.

Ilahn 78:59

Uwumbɔr aah kan kina na, le waaŋuul fii, le u yii waanib kookoo.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Jeremia 12:8

Binib bi m nan lee bi na fii sil m pu; bi ŋuuni m pu ke uchinn u bi kichook ni na la, kina pu le maa ki gee bi.

Jeremia 22:14

Uja u len ke, “M ga maa lidichasakpeln ki cha paacham aadir li waa pam,” le ki ŋa takolu mam waadichal pu, ki di santina aakpan kpaa bi, le ki di tiwamann boon bi na aamɔfal junn a.

Jeremia 22:5

Tɔ, ni yaa kaa ŋani maah tuk nimi pu na kan, m puu tii nimi ke libɔrdichal limina ga ber doo ki kpaln lilangbeln. Min Uwumbɔr le len kina.

Jeremia 44:26

Tɔ, li pel man tipuur ti min Uwumbɔr di maayimbikpaan puu tii nimi Israel yaab bi mɔmɔk koo Ijipt aatiŋ ni na. Maan ki cha ni ponn ni ubaa puu tipuur maayimbil pu ke, ‘M puu Uwumbɔr u bi kaa kpa ŋeen aatɔ na pu.’

Jeremia 49:13

Min mbaa le puu ke Bosra aatiŋ ga kpaln ijawaan aawan ni nteersakpiin; binib ga li yuul ki, le ki joo kaayimbil puuni lir biken pu. Ntimbim mu bi gbɔk ki na ga kpaln tilangbenn ki ti saa n‑yoonn mu kaa kpa ndoon na. Min Uwumbɔr le len kina.”

Jeremia 51:14

Uwumbɔr Mpɔɔnsakpiindaan puu ubaa aamɔfal pu ke u ga cha bijab bi wiir ke itoon na nan tak Babiloŋ, ki ga nyaŋ ki, ki teen mpɔɔn pu.

Inandalahn 2:5

Uwumbɔr kuln Israel aatiŋ ke udin na la. U cha kaabɔrdichal, ni tijawan aadichal na kpaln tilangbenn. U tii Juda aanib mpombiin mu kaa kpa ndoon na.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Hosea 11:6

Butɔb ga ŋar baatim ŋŋaan ki gbaa wɔi mu aagon aabisamɔi. Maanib aah ŋani bibaa aageehn aatuln li na le ga cha butɔb bii bi.

Liifai Yaab 26:11

M ga li bi ni chee, Maabool li bi chain na ni, le maan di nimi lii kpala.

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Amos 3:10

Uwumbɔr le len ke, “Binib bimina di baah gaa tiwan ni mpɔɔn na le di gbiin baadichal sakpiin ngbaan ponn ni. Baa nyi baah ga ŋa pu ki ŋa tiwan ni ŋan na.

Amos 3:11

Kina pu na, baadim le ga mann goln baatiŋ, ki nyaŋ baajab bi to butɔb na, ki gbaa wii baadichal sakpiin ngbaan.”

Amos 4:2

Tidindaan Uwumbɔr aah bi chain kaa kpa tijɔŋ tibaa na, u puu ke, “Iwiin ibaa choo, le bi ga nan di ijapiin dar nimi buen; ni mɔmɔk ga li bi ke ijan i ijapiin chur i na la.

Amos 5:21

Uwumbɔr ki len ke, “Maa gee naah kuuni ki ji njim ki dooni mi pu na; naa ŋan m chee kpala.

Amos 8:3

Liyaadaal ngbaan kan, baah gaa ilahn i libɔrdichal ni na ga kpaln ikpowiil la. Ŋinikpol ga po li dɔ ni kookoo la. Le bi ga di bi mae liŋmiŋmiln.”

Amos 8:7

Uwumbɔr u ye Israel yaab Aadindaan na le puu ke, “Maan suln baatunwanbir pu kpala.

Sekaria 11:8

Maaŋuul nan fii bipihkpaab bitaa bi kaa gee mi na pu, le m jenn bi mɔmɔk uŋmabaan ni.

Ikaal 32:19

Uwumbɔr aah kan kina na, le u gee liŋuul bi pu, ki yii ujapɔtiib ni ubisatiib,