Amos 6:2 - Uwumbɔr aagbaŋ

² li cha ti lik man Kalne aatisakpeŋ na, ki buen man Hamaf aatisakpeŋ ki kpa mpɔɔn na, ki sunn buen Filistia yaab aatisakpeŋ Gaf chee. Mu aa ŋan ki jer Juda ni Israel aanaan. Le mu aatingbaan mu aa wiir jer nimi yoo.

Amos 6:2 ပူးပေါင်းရင်းမြစ်များ

Mpiin 10:10

Njan, waah nan jin nnaan ntim mu ponn ni na le nan ye Babiloŋ, ni Erek, ni Akad; ntim mutaa ngbaan mɔmɔk nan ye Babiloŋ aatim la.

2 Samuel 8:9

Hamaf aatiŋ aabɔr u bi yin u ke Toi na nan ŋun ke David nyaŋ Hadadeser aajab mɔmɔk.

1 Bibɔrb 8:65

Uwumbɔr Aadichal chee nima, le Solomonn ni binib ngbaan mɔmɔk nan jin Tikakar Aajim ki ti saa iwiin ilole. Kinipaak nan nyan ni dandar, ki yoor nya Hamaf aasan mu bi ŋŋangan wɔb na, ni Ijipt aatinaanmɔk, ŋŋangii wɔb.

2 Bibɔrb 17:24

Asiria aatiŋ aabɔrkpaan nan nyan binib Babiloŋ, ni Kuf, ni Ifa, ni Hamaf, ni Sefafaim aatim ni, le ki di bi kaan Samaria aatim ni, waah nan chur Israel aanib bi tinaagbiir nima chee na pu. Bi nan gaa ntim ngbaan le ki koo nima.

2 Bibɔrb 17:30

Babiloŋ aanib nan naan baawaal Sukof Benof la; le Kuf aanib naan Negal aawaa; le Hamaf aanib naan Asima aawaa;

2 Bibɔrb 18:34

Ŋiwaa ngbaan bi la chee dandana? Hamaf ni Aapad aawaa bi la? Sefafaim, ni Hena, ni Ifa aawaa bi la chee? Ubaa ŋmaa gaa Samaria yaab lii ii?

2 Bibɔrb 19:13

Hamaf, ni Aapad, ni Sefafaim, ni Hena, ni Ifa aatim aabɔrb bi la?”

2 Bibɔrb Aabɔr 26:6

Usia ni Filistia yaab nan faa tɔb butɔb. U nan tur baatim Gaf, ni Jamnia, ni Asdod aagon lir, le ki maa ntikpaam mu pɔɔ na gbaŋ Asdod ni Filistia aatim mu gur na.

Jeremia 49:23

Uwumbɔr aah nan len Damaskus aatiŋ aabɔr ti na sɔ: “Hamaf ni Apad aatim aanib aah ŋun tibɔbir ti na pu le ni tii bi ilandak ki muk bi. Ijawaan gbiin bi ki ti puu kpir ke nnyusakpem na la, le baa ŋmaa fuur.

Nahum 3:8

Ninefa aatiŋ, aa jer Ijipt aatiyil Tebes aa? Ki mu nan kpa limɔɔl li kii ki ke ligoln na. Nail aamɔɔl le nan ye kaakikiir.

1 Samuel 17:23

Waah bi len bi chee tibɔr na, le Goliaf nyan ni ke u nan ti kpak Israel yaab, waah ti ŋani pu na, le David ŋun waah len pu na.

1 Samuel 17:4

Bi nan yin Filistia aaja ubaa ke Goliaf, u ye Gaf aanii na, le u nyan ni Filistia yaab aakakaa ni, ki nan kpak Israel yaab ki mɔk bi waapɔɔn. U nan ye liwɔkl, le ki fɔk ti nyaŋ,

1 Samuel 5:10

Le bi yoor Uwumbɔr Aakaal Aadakaa ngbaan buen Filistia yaab aatiŋ ki bi yin ki ke Ekronn na ponn ni; le nima aanib teen ke, “Bi joo ni Israel yaab Aawumbɔr Aadakaa do, ke bi nan ku ti mɔmɔk la.”

1 Samuel 5:8

Kina pu le bi nan tun yin ni Filistia aabɔrb biŋmu ngbaan nan kpaan, ki baa bi ke, “Ti ga ŋa Uwumbɔr Aakaal Aadakaa wee kinye?” Le bi bui ke, “Di u buen Gaf aatiŋ ni man;” le bi di u buen Gaf aatiŋ ponn ni, ki mu ki ye Filistia yaab aatiŋ kiken la.