Amos 6:11 - Uwumbɔr aagbaŋ

¹¹ Uwumbɔr yaa tii waamɔboln kan, ŋidichasakpiin ni ŋiwaatiir mɔmɔk ga wii yuk yuk.

Amos 6:11 ပူးပေါင်းရင်းမြစ်များ

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

Ilahn 105:16

Uwumbɔr nan tun ni nkon baatiŋ pu, ki chuu gaa baajikaar mɔmɔk.

Ilahn 105:31

Uwumbɔr nan di umɔb len, le tisibir ni tinaapulor gbiin kitiŋ ngbaan mɔmɔk ni.

Ilahn 105:34

U nan di waamɔb le len, le itoon churbakaa u kaa kpa nkahm na dan.

Ulandaan 10:18

Uja yaa kpa ligbanyakl kaan pin waadiik kan, ki ga lun, le ki lir.

Aisaya 13:3

Uwumbɔr yin waatɔb aajab bi kpa kigaak ki nyi bibaa pu na ke bi nan jan mbamɔn aajaak ki daa waah gee binib bi pu liŋuul na aatafal.

Aisaya 55:11

Kina le ga li ye ŋimɔbon ŋi m ga len na, ŋaan yii maah ban ke ŋi ŋa pu na; ŋi ga ŋa tiwan nimɔk m tun ŋi ke ŋi ti ŋa na.

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Amos 3:15

M ga wii naah maa lipeel aadichal, ni kiseek aadichal ŋi na mɔmɔk. Naah di iluub aanyin di ŋa tidir ti pu ke ti li ŋan na mɔmɔk ga lir; lidichasakpeln libaa aan gur kaan bii.”

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Amos 9:1

M nan kan Uwumbɔr si gbɔk kitork aabimbiln, le ki tii waamɔboln ke: “Faa man Maadichal aagon mpɔɔn pu aan kaadipimoor deŋ. Gbaa wii ŋi aan ŋi lir binib ngbaan aayil pu man. M ga ku binib bi gur na butɔb ni la. Ubaa aan san ŋmar; ubaa kina aan ŋmar. Hali bi yaa gbii ibuu ki koo kitekpiitiŋ ni kan, m ga chuu bi.

Amos 9:9

“M ga tii maamɔboln ki cha Israel aanib deŋ ke baah bi yak n‑yon le kiyayak ponn ni na. Ŋinibol mɔmɔk ponn ni, m ga yak bi, ki nyan binib bi kaa bi tibaa ni na.

Nahum 1:14

Uwumbɔr aah siin pu Asiria aatiŋ pu na sɔ: “Baan li kpa yaabitiib bi ga cha baayimbil li beenin bi na. M ga kuln ŋiwaa ŋi bi baawaadir ni na. M bi gbii likaakul bilni Asiria yaab la, naa ŋan ke bi li kpa limɔfal.”

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”

Tibɔnyaan ti Luk ŋmee ti na 19:44

ki kuln ni mɔmɔk, ki gbaa wii nimi aadir mɔmɔk. Tidir ngbaan aatakpal ŋilee aan ki li bi ki tok tɔb pu.”