Amos 6:10 - Uwumbɔr aagbaŋ

¹⁰ Utekpel aado yoo, u yeh waakpuul na, le ga yoor linikpol ngbaan nyan lidichal ngbaan ni. Udo yoo ngbaan ga yin unii umɔk gur lidichal ngbaan ni na ki baa ke, “Unii ubaa ki gur ki bi aa chee ee?” Le nneel ga kii ke, “Aayii.” Le udo yoo ngbaan ga bui ke, “Li ŋmin suuna. Ti ga chuu tibaa le ki taa ki yin Uwumbɔr aayimbil.”

Amos 6:10 ပူးပေါင်းရင်းမြစ်များ

2 Bibɔrb 23:16

Le Josia lik mann goln ubaa ki kan ŋikaakul ŋibaa ligongoln pu nima; le u cha bi kur nyan ikpab i bi ŋi ponn ni na le ki di see mmii ni, kitork aabimbiln ngbaan pu. U nan ŋa kina le ki bii kitork aabimbiln ngbaan. U nan ŋa Uwumbɔr aabɔnabr aah nan puen len ke ni ga ŋa pu buyoonn Ubɔr Jeroboam nan si libimbiln ngbaan chee njim mubaa ponn ni na. Josia nan lik mann le ki kan Uwumbɔr aabɔnabr u nan len ke kina ga ŋa na aakaakul.

2 Bibɔrb 6:33

U laa bi len kina, le ubɔr kpaan fuu ni ki nan bui ke, “Uwumbɔr le cha tibɔbir timina dan ti pu. Maan ki ŋmaa kiir u ke u ki ŋa nibaa.”

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 44:26

Tɔ, li pel man tipuur ti min Uwumbɔr di maayimbikpaan puu tii nimi Israel yaab bi mɔmɔk koo Ijipt aatiŋ ni na. Maan ki cha ni ponn ni ubaa puu tipuur maayimbil pu ke, ‘M puu Uwumbɔr u bi kaa kpa ŋeen aatɔ na pu.’

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Amos 5:13

Kina pu na, kinimbɔŋ aayoonn ngbaan kan, unii u kpa nlan na ga li ŋmin suuna la.

Amos 8:3

Liyaadaal ngbaan kan, baah gaa ilahn i libɔrdichal ni na ga kpaln ikpowiil la. Ŋinikpol ga po li dɔ ni kookoo la. Le bi ga di bi mae liŋmiŋmiln.”

Nkahm 17:12

Le Israel yaab mɔmɔk bui Moses ke, “Ni yaa ye kina kan, ti ga kpo doo.

1 Samuel 31:12

le baapobidam fii kinyeek ki buen Bef Sann ni. Bi nan chuu kpaar Sɔɔl ni ujapɔtiib aawon ligoln ngbaan pu, ki di gir buen Jabes aatiŋ ni, ki ti see ti mmii nima,