Amos 6:1 - Uwumbɔr aagbaŋ

¹ Nimi bi bi dafir Sionn aatiŋ ni, ni nimi bi dak ke ni kan limɔfal Samaria aatiŋ ni na, naan nan li ŋan ni pu, nimi bi ye linibokpaan Israel na aaninkpiib, nimi bi binib biken chaa ni chee ki ti ban nterm na,

Amos 6:1 ပူးပေါင်းရင်းမြစ်များ

1 Bibɔrb 16:24

le ki nin daa Samaria aagongoln aatiŋ tikunabr aamombil ŋichur ŋiloob, uja u bi nan yin u ke Semer na chee. Omri nan maa kitiŋ nima, le ki maa ŋigon gob ki, le ki di Semer, u nan yeh ligongoln ngbaan na aayimbil ki di yin ki ke Samaria.

Ilahn 123:4

Biwankpadam laa timi, ni yunn sakpen, le bigaadam bi muk timi na ŋani timi mbɔnyun.

Ŋiyataŋak 1:32

Bijɔrb aah yii nlan na le cha bi kpoi. Bijɔrb aah yii, kaan ŋun pu na le ku bi.

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 48:11

Uwumbɔr nan len ke, “Moab bi lifuur ni le kaa kee buen tinaagbiir ni. Moab bi ke ndaan mu bi cha mu si ke mu tiŋ, kaa kpenn mu lidabuul lee ni, ki di ŋa lidabuul liken ni na la. Mu aanunun aa kee bii, le mu aamɔɔn bi n‑yoonn mɔmɔk.

Jeremia 49:31

‘Dan man. Ti ga tak binib bi dak ke bi ŋmar, nibaa aan ŋa bi na. Baatiŋ aa kpa ibisamɔi i laŋni na, le ubaa aa kii ki.’

Jeremia 5:5

M ga buen binib bi bi mpɔɔn ni na chee le ti ti gbaa tibɔr. Nibaakan, bima ga li nyi Baawumbɔr aah gee pu na, bima ga li nyi Uwumbɔr aah ban ke bi ŋa pu na.” Le bi mu mɔmɔk yii Uwumbɔr aamɔb ki nyan upuwɔb.

Jeremia 7:4

Taa ki len n‑yoonn mɔmɔk ‘Uwumbɔr Aadichal sɔ, Uwumbɔr Aadichal sɔ, nima pu le ti kpa ŋŋmarm.’ Ni ŋmanni nibaa la. Uwumbɔr Aadichal aan nya nimi ntafadaan ni.

Inandalahn 1:1

Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Amos 3:9

Moon ki tuk binib bi mɔmɔk bi Ijipt ni Asdod aabɔrdichal ni na ke, “Kuun man ki buen ŋijoo ŋi mann goln Samaria aatiŋ na, ki ti lik tiwan yɔl yɔl ni titunwanbir ti bi ŋani nima chee na.”

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 5:27

le m ga di nimi buen tinaagbiir ni, kitiŋ ki bi Damaskus aatiŋ aapuwɔb na ni,” Tidindaan u aayimbil ye Uwumbɔr Mpɔɔnsakpiindaan na le len kina.

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”

Amos 9:10

Titunwanbirdam bi ŋmal maanib ni na ga kpoi butɔb ni, binib bi mɔmɔk len ke, ‘Uwumbɔr aan cha kinimbɔŋ duun ni timi’ na ga kpoi.”

Maika 3:1

Nimi bi ye Israel yaab aajojoob na, li pel man. Nimi aatuln le ba ye ke ni li dii ibamɔn,

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

Jemisi 1:18

U tii timi waabɔr ti ye mbamɔn na, ki ŋa timi waabim. Waageehn le na. U ban ke ti jer waah naan tiwan ni mɔmɔk na.

Jemisi 5:5

Ni bi dulnyaa wee ni, ki piir nisui, ki ŋani naah gee pu na mɔmɔk, ki kpiini nibaa ki filk sakpen a; ni bi ke inaa i filk aan bi kɔr i na la.

1 Piita 5:7

Limukl limɔk muk nimi na kan, ni di li mɔmɔk ŋa Uwumbɔr aaŋaal ni; ba pu? utafal bi ni ni.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.