Amos 5:6 - Uwumbɔr aagbaŋ

⁶ Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Amos 5:6 ပူးပေါင်းရင်းမြစ်များ

2 Samuel 19:20

Maaninkpel, m nyi ke m tun taani, kina pu le m ye njan aanii u nyan ni ŋŋangan wɔb aanibol ni, ki dan nan ton si Mpɔɔndaan nsan ni na.”

1 Bibɔrb 11:28

Jeroboam nan ye unachipɔɔn u kpa liyabr na la, le Solomonn aah kan u tun lituln sakpen pu na, le u di u ŋa binaagbiib bi bi Manase ni Efraim aanibol aapepel ni na aayidaan.

2 Bibɔrb Aabɔr 34:25

Bi yii mi le ki dooni ŋiwaa, li ki di baah tun pu na mɔmɔk fiin maaŋuul. Maaŋuul fii Jerusalem aanib pu, kaan sɔŋ.

Ilahn 27:8

Saah nan bui ke, “Dan ki nan doon mi” na, m nan gar ke, “Uwumbɔr, m ga dan;” taa di aabaa bɔr mi.

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Nnyam 22:6

“Unii ubaa yaa tuur mmii waasaak ni aan mu gaa timoor ki ti koo uken aasaak ni ki gaa waajikaar kan, umiiseer ngbaan teen tijikaar ti bii na pu.

Aisaya 1:31

Ikpakpaabi aah gaal mmii ni pu na, kina le bipɔɔndam mu aatunwanbir ga gaa ki ku bi doo, le ubaa aan ŋmaa gaa bi lii.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 55:6

Fenn toŋ Uwumbɔr ki mee u man, n‑yoonn mu u laa duun nimi na.

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Esekiel 21:3

ke min Uwumbɔr len ke: M ye saadin la. M ga fuur maajaak aajuk ki ku ni mɔmɔk, bi ŋan na ni bi kaa ŋan na mɔmɔk.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Esekiel 37:19

tuk bi ke min Bidindaan Uwumbɔr ga yoor lidabil li si Israel aasisii na ki di kpaan Juda yaal chee. M ga di ŋidabil ŋilee ngbaan ŋa lidabil libaa, ki di li ŋum ŋŋaal ni.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Amos 5:14

Cha tiwan ni ŋan na li ye tiwan ni ni ban na, ki taa li ban kinimbɔŋ aabɔr, ki li kpa limɔfal; le Uwumbɔr Mpɔɔnsakpiindaan ga sil li bi ni chee, ke naah len ke u bi ni chee pu na.

Amos 5:4

Le Uwumbɔr bui Israel yaab ke, “Dan m chee man, aan ki kan limɔfal.

Amos 6:6

Ni nyu ndaan tiyikur ti wiir na ponn ni, ki ŋani tulalee tiib bi nu mɔ sakpen na, kaa tee wii Israel aah ga bii pu na aakpowiil.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Sekaria 10:6

M ga tii Juda aanib mpɔɔn; m ga gaa Israel aanib lii. M ga san bi kinimbaak, ki giin ni bi mɔmɔk linampal. Bi ga li bi ke maah kaa kee yii bi daalbaadaal le na. Min le ye Bidindaan Uwumbɔr; m ga kii baameel.

Ikaal 32:22

Maaŋuul ga fii bi pu ke mmiigaal na ki wu tiwan nimɔk bi dulnyaa wee ni na. Mu ga gaa ki ti pii kitekpiitiŋ ni, le ki wu ŋijoo aataab pel pel.

Ikaal 4:24

Ba pu? Nidindaan Uwumbɔr bi ke mmiigaal na la, le kaa ban ke unibɔn ki dii tiwan nibaa ki kpee u pu.

Josua 18:5

Bi yakr kitiŋ ngbaan ŋeer ŋiker ŋilole aapepel, Juda aanibol ga li bi kitiŋ ngbaan aaŋangii wɔb la, le Josef aanibol ga li bi ŋŋangan wɔb.