Amos 5:4 - Uwumbɔr aagbaŋ

⁴ Le Uwumbɔr bui Israel yaab ke, “Dan m chee man, aan ki kan limɔfal.

Amos 5:4 ပူးပေါင်းရင်းမြစ်များ

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

2 Bibɔrb Aabɔr 20:4

Binib nan nyan Juda aatim mɔmɔk ni ki buen Jerusalem ni ke bi ti ban Uwumbɔr chee nterm,

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

Ilahn 14:2

Uwumbɔr bi paacham le ki lik ni unibɔn, ke u lik ke bibaa bi ki kpa nlan aan baa bi, ke bibaa bi ki dooni u aan baa bi.

Ilahn 22:26

Bigiim ga ji baah ban pu na la; binib bi choo Uwumbɔr chee na ga pak u. Tii bi nkam n‑yoonn mɔmɔk.

Ilahn 27:8

Saah nan bui ke, “Dan ki nan doon mi” na, m nan gar ke, “Uwumbɔr, m ga dan;” taa di aabaa bɔr mi.

Ilahn 69:32

Binib bi bi limukl ni na yaa kan kina kan, bisui ga piir; le binib bi dooni Uwumbɔr na aataakpab ga pɔɔk.

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Esekiel 18:9

Kina aanii joo maah mɔk pu na ki joo maakaal mbamɔm. U ye unii u aabimbin ŋan na, le ki ga li kpa limɔfal;” kina le Dindaan Uwumbɔr len.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Matiu 7:8

Unii umɔk mee Uwumbɔr na, u ga tii u. Unii umɔk ban na, u ga kan. Unii umɔk kpaar jaaleŋ na, u ga piir tii u.

Ikaal 32:46

u nan bui ke, “Ni lik mbamɔm ki taa yii ikaal imɔk m di tuk nimi din wee na. Ni li joo i mɔk nimi aabim, nima kan, bi ga li joo Uwumbɔr aamɔkm ngbaan mbamɔm.

Ikaal 32:47

Ikaal ngbaan aa ye bɔfam, ima le ye nimi aamɔfal. Ni li joo i mbamɔm, nima kan, ni yaa puur Jɔɔdann Aamɔɔdapuul doo kan, ni ga li kpa limɔfafɔfɔŋ, ki li bi kitiŋ ngbaan ni.”

Ikaal 4:29

Nima chee le ni ga lik ki ban Nidindaan Uwumbɔr, le ni yaa di nisui mɔmɔk ban u kan, ni ga kan u.