Amos 5:22 - Uwumbɔr aagbaŋ

²² Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Amos 5:22 ပူးပေါင်းရင်းမြစ်များ

Ilahn 116:17

M ga tii si idoon aapiin, ki di maameel tii si.

Ilahn 40:6

Saa ban tiwakor ni tijikaar aatork; saa ban ke m di tiwakor toor kitork ki di see mmii kitork aabimbiln paab tii si, kaa ban ke m toor kitork titunwanbir pu, aa tee tii mi ŋitafal ke m ŋun tii si,

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Aisaya 1:11

U bui ke, “Taa dak man ke m gee nimi aatork ki ni toor tii mi na. Maa ki neen naah kɔr nimi aapiih i ki joo seer mmii ni ki tii mi na, ni nimi aanaa i ŋan na aakpan mu. Maa ki neen nimi aanaasin, ni mpihsin, ni ŋŋosin mu ni tii mi na.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 14:10

Uwumbɔr len binib bee aabɔr ke, “Bi gee ke bi fenn bipuwɔb tii mi, le kaan chuu bibaa. Kina pu le nsui aa piin bi pu. M ga teer taani u bi tun na, ki daa bitafal baatunwanbir pu.”

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Jeremia 7:21

“Maanib, ni seer kitork aawakor tibaa mmii ni, kitork aabimbiln paab la, le ki ŋmɔ tibaa mu. Le min Uwumbɔr aah len pu na le ye ke ni ba tee ŋmɔ ti mɔmɔk kan, ni soor.

Liifai Yaab 7:11

Naah ga dii pu ki toor kimɔbaan aatork tii Uwumbɔr na aakaal aabɔr sɔ.

Amos 5:23

Di cha naah gaa ilahn mpɔɔn pu ki gbaa tibar ki tii mi na man. Maan pel.

Malakai 1:9

Tɔ, nimi bitotoorb, pɔɔn nibaa man ki mee Uwumbɔr ke u li kpa ti pu tiŋann. Waan kii nimi aameel, ba pu? ni tii u ipiin i kaa ŋan na la.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.