Amos 5:2 - Uwumbɔr aagbaŋ

² Israel aatiŋ lir a, kaan ki fii sil kpala. Ki kpo bee kitiŋ, le ubaa aan ter ki, ki fii sil.

Amos 5:2 ပူးပေါင်းရင်းမြစ်များ

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

Aisaya 14:21

Cha linikul piin man. Ubɔrkpaan umina aajapɔtiib ga kpo biyaajatiib aatunwanbir pu. Bi ponn ni ubaa aan ki joo kitiŋ kee, ki mu aan maa ntim ki pu.”

Aisaya 24:20

Kitiŋ ga li deŋni ke udagbiir aah chuun gbeer pu na, ki yeŋni ke libool aah yeŋni kitaabuŋ ni pu na. Dulnyaa aatunwanbir nyɔɔn u lii kitiŋ; ki ga lir, kaan ki fii kpala.

Aisaya 3:8

Mbamɔn, Jerusalem sil kuln a. Juda mu bi lir la. Baah ŋani tiwan nimɔk ki len pu na mɔmɔk seei Uwumbɔr binib aanimbil ni la; le bi fii sil uma Uwumbɔr u kpa mpɔɔn mɔmɔk na pu.

Aisaya 37:22

uma Uwumbɔr bui ke, “Jerusalem aatiŋ laa si, ubɔr Senakerib, ki lik seen si.

Aisaya 43:17

U nan cha bijab bi to butɔb na bee nkun ni, bijab bi nan kpa itaan ni itaan aatɔroku tiib na. Bi nan lir kitiŋ kaan ki fii kpala, bimɔfal nan junn kolb ke ulangbinja aamii na.

Jeremia 14:17

Uwumbɔr nan bui mi ke m tuk binib ngbaan maapombiin aah bi pu na ki bui bi ke, “M wii nwiin pu ni kinyeek la, taa cha m di cha iwiil, maanib aah kan titotonn sakpen, ni iween i na pu.

Jeremia 18:13

Uwumbɔr len ke, “Baa ŋitimbol mɔmɔk ke kina aawan kee ŋa aa? Israel aanib tun tibɔbir ti kaa ŋan na.

Jeremia 2:27

Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 4:20

Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Jeremia 50:32

Saatimbol li kpa kigaak na ga gbeer ki lir, le ubaa aan ter si aa ki fii sil. M ga see saatim mmii, le tiwan nimɔk bi duun mu na ga bii doo.”

Jeremia 51:64

ki bui ke, ‘Kina le bi ga ŋa Babiloŋ, Uwumbɔr aah ban u joo ni libiil li ki pu na, ki ga muin, kaan ki puur ni kpala.’” Jeremia aamɔbon nan doo do la.

Jeremia 8:4

Uwumbɔr nan bui mi ke m tuk waanib ke, “Unii yaa lir kitiŋ kan, waa ki fi sii paacham aa? Unii yaa yenn nsan kan, waa ki fenn upuwɔb aa?

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Jeremia 9:9

M taa daa bitafal nima pu uu? M taa teen kina aatimbol aa? Min Uwumbɔr le len kina.”

Inandalahn 2:13

Jerusalem aatiŋ ki m gee ki na, m ga len ke ba? M ga ŋa kinye ki sɔŋ aasui? Ubaa aa kee jin falaa umina aaboln. Saabɔbir aa kpa timɔk ke nnyusakpem na la; limakl aa ki bi nibaa chee.

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 6:2

U ga ki gaa timi iwiin ilee aakaasisik ni, le ti ga li bi unimbiin ni.

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.