Amos 5:17 - Uwumbɔr aagbaŋ

¹⁷ Ndaan aasubil aasar mɔmɔk ponn ni ye ikpowiil ŋmeen la. Nimina mɔmɔk ga ŋa, ba pu? m choo m nan daa nitafal la.” Uwumbɔr le len kina.

Amos 5:17 ပူးပေါင်းရင်းမြစ်များ

Nnyam 11:4

Moses mu nan ki bui ubɔr ngbaan ke, “Uwumbɔr bui ke, ‘Kinyetaasiik kan, m ga mann Ijipt aatiŋ mɔmɔk,

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Nnyam 12:23

N‑yoonn mu Uwumbɔr yaa nan dan ke u chuun Ijipt aatiŋ ni ki ku bi na kan, u yaa nan kan nsin ngbaan nimi aadichal aabisamɔi pu kan, waan cha nkun aatuun koo nimi aadichal ni ki ku nimi.

Aisaya 16:10

Ubaa aa ki bi ikpaakon i nan kpa tijikaar na ni ki kpa mpopiin. Ubaa mu aa ki bi ŋisubil aasar ni ki tar ki gaa ilahn. Ubaa aa ki tun ndaan aatuln nima; le mmɔɔn aafuuk na ŋmin.

Jeremia 48:33

Mmɔɔn ni mpopiin doo Moab aatiŋ ki kpa tijikaar sakpen na pu. M cha ndaan doo baah ŋaa ndaan nin chee na; ubaa aa ki bi ke u ŋaa ndaan ki faa mpopiin aafuuk.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Nahum 1:12

Uwumbɔr aah bui waanib Israel yaab pu na sɔ: “Hali Asiria yaab aah wiir ki kpa mpɔɔn pu na, bi mɔmɔk ga kuln ki wɔŋ. Maanib, min le nan cha ni jin falaa, tɔ, maan ki ŋa kina.

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Sekaria 9:8

M ga li kii maatiŋ ki taa cha baadim aajab bɔ ki ponn ni jer. Maan cha bibiindam ki muk maanib. Min mbaa aanimbil ga li bi maanib pu.”