Amos 5:15 - Uwumbɔr aagbaŋ

¹⁵ Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Amos 5:15 ပူးပေါင်းရင်းမြစ်များ

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

1 Bibɔrb 20:31

Waaninkpiib nan buen u chee le ki ti bui u ke, “Ti ŋun ke Israel yaab aabɔrb san kinimbaak. Tii timi nsan aan ti ti gbab tiwan ni saak kuub na tichaŋ ni, ki di iŋmin fin tisil, ki buen Israel yaab aabɔr chee ki ti gaŋ u saamɔfal pu.”

2 Bibɔrb 13:7

Jehoahas aa nan ki kpa bijab bi kpa tijawan na; bitandam piiŋmu, ni tɔroku tiib kipiik, ni bitaabɔndam ŋichur kipiik baanja le nan gur. Siria aatiŋ aabɔr nan taa taa bi gur na ŋmal titan ni ke kitangbaak na ki kuln bi.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Ilahn 119:104

M kani nlan saakaal chee pam, kina pu na, maa gee mbimbin mumɔk kaa ŋan na.

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 36:4

U yaa dɔ kan, u dak ilandak i kaa ŋan na la; waatun mɔmɔk aa ŋan, le kaa yiil titunwanbir aatuln.

Ilahn 37:27

Fenn aapuwɔb tii titunwanbir, ki li ŋani ni ŋan na, le aayaabitiib nan li bi kitiŋ kee pu n‑yoonn mɔmɔk,

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 97:10

Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Nnyam 32:30

Naah woln kitaak na, le Moses bui binib ngbaan ke, “Ni tun titunwanbir pam. Tɔ, m ga ki gir buen lijool ngbaan paab Uwumbɔr chee; nibaakan, ni ga kan chapinn nimi aatunwanbir pu.”

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 22:3

“Min Uwumbɔr bui ke ni li ŋani tiwan ni ŋan ki ye ibamɔn na. Ni sil unii u uken bi ji u na aapuwɔb. Taa ŋa biwɔwɔm, ni nkpobim, ni bikpopiib mbiin; ki taa ku binib bi kaa tun taani ubaa na do chee na.

Jeremia 31:7

Uwumbɔr ki bui ke, “Li gaa mpopiin aalahn Israel aatimbol li ye litimbol sakpeln ki jer ŋitimbol mɔmɔk na pu man. Gaa nimi aapak aalahn man, ‘Uwumbɔr gaa waanib lii a; u gaa binib bi mɔmɔk gur na lii a.’

Esekiel 45:9

Tidindaan Uwumbɔr len ke, “Nimi Israel aatiŋ aajojoob, ni tun titunwanbir ni yunn sakpen. Di cha nimi aabimbipɔɔl ni limukl man. Li ŋani tiwan ni ŋan ki tok na man. Ni taa ki jenn nyan maanib baatiŋ pu daalbaadaal. Min Nidindaan Uwumbɔr le bi tuk nimi kina.

Daniel 2:49

Le Daniel cha u tii Sadrak, ni Mesak, ni Abednego mpɔɔn bi li lik Babiloŋ aapepel aatun mɔmɔk; le Daniel ma tee gaar libɔrchiln ni.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Amos 5:10

Nimi le nan binib bi len ibamɔn kaa gee inyamɔn aabɔr na.

Amos 5:24

Naah ga ŋa pu ki piir nsui na sɔ: Cha ibamɔn ni mbimbinyaan li wiir ke limɔɔl aanyun aah wiir kaa door pu na.

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Amos 6:12

Itaan san ŋitakpasakpiin pu uu? Bijab joo inaaja ko nima aa? Le nimi tee di ibamɔn kpaln njinn, ki di mbamɔn kpaln inyamɔn.

Amos 7:3

Le Uwumbɔr kpeln waalandak ki bui ke, “Saah kan tiwan ni na aan ŋa kina.”

Jona 1:6

Le biŋɔŋaab ngbaan aaninkpel nan ti kan u nima chee, le ki baa u ke, “Aa dɔ ŋani ba, aa dɔ geen la aa? Fii sil ki mee saawaal aan li ter timi. Nibaakan, li ga san timi kinimbaak ki gaa timi lii.”

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Maika 3:2

le ni nan tiwan ni ŋan na, ki tee gee titunwanbir. Maanib aa kee kpoi le ni sun baagban ki dar lui baanann baakpab pu.

Maika 5:3

Kina pu na, Uwumbɔr ga di waanib tii baadim, kaan ki gar bi ki ti saa buyoonn upii u ban u maa na maa waabijabo. Le Israel yaab bi bi biwɔwɔm aatiŋ ni na, ni bi bi Israel aatiŋ ni na ga ki kpaan tɔb chee.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Rom Yaab 7:22

M gee Uwumbɔr aakaal nsui ni.

Rom Yaab 8:7

Binib bi aatafal bi mbimbikpok aabɔr ni na, bi ye Uwumbɔr aadim la; ba pu? baa dii waakaal, ki mu aa ŋmaa dii mu.

3 Jɔnn 1:11

Njɔgeehn, taa dii unii u kaa ŋan na aataabuu. Li dii unii u ŋan na aataabuu. Unii umɔk ŋani ni ŋan na kan, u ye Uwumbɔr yoo la. Unii umɔk ŋani ni kaa ŋan na kan, waa nyi Uwumbɔr.