Amos 5:11 - Uwumbɔr aagbaŋ

¹¹ Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Amos 5:11 ပူးပေါင်းရင်းမြစ်များ

Job Aagbaŋ 20:19

ba pu? u nan muk bigiim kaa yin bi nibaa, ki gaa ŋidichal ŋi bibaa maa ŋi na.

Aisaya 16:10

Ubaa aa ki bi ikpaakon i nan kpa tijikaar na ni ki kpa mpopiin. Ubaa mu aa ki bi ŋisubil aasar ni ki tar ki gaa ilahn. Ubaa aa ki tun ndaan aatuln nima; le mmɔɔn aafuuk na ŋmin.

Esekiel 26:12

Saadim ga di saawangol, ni tiwankookaan ŋa baawan. Bi ga tur saagon lir, ki ber saadichal ŋi ŋan sakpen na. Bi ga yoor ŋaatakpal, ni idɔ, ni tibir ngbaan mɔmɔk ti ŋa nnyusakpem ni.

Esekiel 34:21

Ni tur ipiih i bun na nyan ngbaan ki saar nyani i ipiih iken ni.

Hosea 9:2

Tɔ, naan yunn le nimi aajikaar, ni olif aakpan aan ki ŋeer nimi, le ndaan mu ga doo.

Liifai Yaab 26:16

m ga daa nitafal. M ga cha tibɔbir dan ni pu, le iween i kaan sɔŋ na ga dan ni pu, ki ga cha nimi aawon toŋ, ki ga cha ni jɔb, ki ŋa fam. Ni ga bu njikaabim, le ni mu aan ter nimi, ba pu? nimi aadim le ga dan nan nyaŋ nimi, ki ji naah kon tijikaar ti na.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Amos 3:15

M ga wii naah maa lipeel aadichal, ni kiseek aadichal ŋi na mɔmɔk. Naah di iluub aanyin di ŋa tidir ti pu ke ti li ŋan na mɔmɔk ga lir; lidichasakpeln libaa aan gur kaan bii.”

Amos 3:9

Moon ki tuk binib bi mɔmɔk bi Ijipt ni Asdod aabɔrdichal ni na ke, “Kuun man ki buen ŋijoo ŋi mann goln Samaria aatiŋ na, ki ti lik tiwan yɔl yɔl ni titunwanbir ti bi ŋani nima chee na.”

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 6:11

Uwumbɔr yaa tii waamɔboln kan, ŋidichasakpiin ni ŋiwaatiir mɔmɔk ga wii yuk yuk.

Amos 6:12

Itaan san ŋitakpasakpiin pu uu? Bijab joo inaaja ko nima aa? Le nimi tee di ibamɔn kpaln njinn, ki di mbamɔn kpaln inyamɔn.

Amos 8:4

Li pel nimina man, nimi bi muk bifalaadam, ki ban ke ni ku doo bigiim kitiŋ kee ni na.

Amos 9:14

Le m ga giin ni maanib baatiŋ ni, le bi ga ki gir maa baatim mu nan ber doo na ki koo mu ni. Bi ga ŋum ndaan aasubil aasui ki nyu ŋaadaan, ki ga ko ikpaakon ki ji yaajikaar.

Maika 1:6

Kina pu le Uwumbɔr len ke, “M ga cha Samaria kpaln litakpakpokl le kipɔɔk ni, nin chee bi ga ko ndaan aasubil aasui aasar na. M ga ber kaagon lii, ki faa kaabir ti mee kifataŋ ni.

Maika 2:2

Bi yaa ban ikpaakon kan, bi gaal i mpɔɔn la; bi yaa ban ŋidichal kan, bi gaal ŋi mpɔɔn la. Ubaa aadichal bee waawangol aa nyan tibɔr ni.

Maika 6:15

Ni ga bu njikaabim, ki mu aan chee tijikaar. Ni ga nyan nkpan olif aasubil ni, ki mu aan ŋmaa di mu ŋa nibaa. Ni ga ŋaa ndaan, ki mu aan nyu mu.

Sefania 1:13

Bidim ga yoor baawangol buen, le baadichal ber. Baan koo ŋidichal ŋi bi bi maa na ponn ni, kaan nyu baah bi ŋumni ndaan aasubil aasui i na aadaan kpala.”

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”

Ikaal 28:30

“Aa ga li ban ke aa yoor usapɔɔn, le uniyayan ga yoor u ki cha si. Aa ga maa lidichal, ki mu aan koo li ponn ni. Aa ga ko ŋisubil aasaak, ki mu aan ji ŋisubil ngbaan.

Jemisi 2:6

Nimi le lik bigiim fam. Bilabi muk nimi ki joo nimi tii bibɔjirb? Naa ye biwankpadam aa?