Amos 4:9 - Uwumbɔr aagbaŋ

⁹ “M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Amos 4:9 ပူးပေါင်းရင်းမြစ်များ

1 Bibɔrb 8:37

“Nkon yaa lir kitiŋ kee pu, bee iweenlirkee yaa lir, bee libuln li ton na, bee itoon le yaa bii tijikaar, bee saanib aadim le yaa nan tak bi, bee iween le yaa bi bikaasisik ni kan,

2 Bibɔrb Aabɔr 6:28

“Nkon yaa lir kitiŋ kee pu, bee iweenlirkee yaa lir, bee libuln li ton na, bee itoon le yaa bii tijikaar, bee saanib aadim le yaa nan tak bi, bee iween le yaa bi bikaasisik ni kan,

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 50:11

Nimi bi mɔmɔk dak ke ni bii biken doo na, nimi nibaa aalandak ngbaan le ga doo nimi. Uwumbɔr ubaa le ga cha kina ŋa; ni ga ji falaa sakpen.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Hosea 11:5

“Bi yii kaan gir ni m chee, kina pu le bi ga ki gir Ijipt aatiŋ ni, le Asiria aabɔr ti li joo bi.

Joel 1:4

Itoon pam dan ki nan lir tijikaar pu. Itoon ibaa aah ŋman gur ni na, itoon iken nan di ŋman.

Joel 1:7

I ŋman bii timi aadaan aasui mɔmɔk, ki ŋman bii timi aakakan doo a. I ŋman lar tidapɔr mɔmɔk le ki cha ŋisubil ŋmeen.

Joel 2:25

M ga giin itoon aah di nimi aajikaar ti mɔmɔk ŋman ŋibin ŋi jer na ki ki di tii nimi. Min le nan tun ni itoon i wiir sakpen ngbaan na.

Amos 4:6

“Min le nan lii nimi nkon, nimi aatikpaan ponn ni, le naa kee gir ni m chee.

Amos 4:8

Binib nan di nnyunyuu ki nyan kitiŋ kibaa ponn ni, ki buen kitiŋ kiken ponn ni, ki dak ke nnyun bi nima, le bi mɔmɔk aa ti ŋmaa kan bi nyu. Nimina mɔmɔk mu aa cha ni gir ni m chee.

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Hagai 2:17

M nan cha libuln li ton na, ni ŋitaatakpal ŋmeen dan nan bii naah kon tijikaar ti mɔmɔk na, le naa kee kpeln nimi aabimbin.

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Ikaal 28:22

Uwumbɔr ga cha iween i door na chur nimi, niwon ga duun, le ki li ton. U ga cha ntaaweel, ni libuln li ton na see nimi aajikaar. Kina aabɔbir ga li bi ni pu, le ni ti kpoi doo.

Ikaal 28:42

Le itoon ga di nimi aasui ni tijikaar ŋmɔ kookoo.