Amos 4:7 - Uwumbɔr aagbaŋ

⁷ Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Amos 4:7 ပူးပေါင်းရင်းမြစ်များ

Nnyam 10:22

Moses nan yoor uŋaal ki di mɔk paacham, le mbɔmbɔɔn lir ki biin Ijipt aatiŋ ponn ni, iwiin itaa.

Nnyam 10:23

Ijipt yaab aa nan ki waa tɔb, le bi ponn ni ubaa aa nan ŋmaa nyan waadichal ni ki buen nibaa chee. Le Israel yaab ma aah nan koo nin chee na nan kpa nwiihn.

Nnyam 8:22

M mu aan cha tisibir ngbaan nya Gosenn aapepel wɔb, nin chee maanib bi na. M ga ŋa kina aan aa ni saanib bee ke min Uwumbɔr bi tun lituln kitiŋ kee ni.

Nnyam 9:26

Tɔ, Gosenn aapepel wɔb, nin chee Israel yaab nan bi na, ŋitaatakpal aa nan lir nima chee.

Nnyam 9:4

M ga yakr Israel yaab ni Ijipt yaab aawakor, le Israel yaab aawakor kibaa aan kpo.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 14:3

Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Jeremia 14:4

Utaal aah kaa nun aan kitiŋ kuur na, bikpaab aasui bii, le bi bɔrni.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Joel 2:23

Sionn aatiŋ aanib, cha nisui li piin man, li mɔɔni Nidindaan Uwumbɔr aah ŋa pu tii nimi na pu. U tii nimi kiseek ni aataal, ki ŋeer naah ban pu na; ki cha utakuutaal ni unaalantaal mu nun mbamɔm ke waah ti nu pu na.

Sekaria 14:17

Litimbol limɔk yii kaa chaa ti dooni Uwumbɔr Mpɔɔnsakpiindaan ke ubɔrkpaan na kan, utaal aan nu baatiŋ pu.

Jɔnn 4:35

Ni ŋakl liyataŋakl ke, ‘Ni gur iŋmal inaa le ni ŋeer lijikaacheel.’ Tɔ, m tuk nimi la, yaar lik man, tijikaar ŋeer licheel a.

1 Korenti 4:7

Ŋma ŋa si le aa jer uken? Saah kpa ni na, naa ye Uwumbɔr le tii si ii? Uwumbɔr aah tii si na, ba ŋa aa kpa kipupuk ke uma le aah kaa tii si na?

Ikaal 11:17

Ni yaa ŋa kina kan, Uwumbɔr ga gee ni pu liŋuul; waan ki cha utaal nu, le nimi aatiŋ ga kuur ki ti chaar jer, le nimi aajikaar aan ŋmaa ŋa. Hali kitiŋ ngbaan aah ye kitinyaan pu aan u di ki tii nimi na, naan ki yunn le ni ga kpo.

Jemisi 5:17

Elaija nan ye unibɔn ke ti mu aah ye pu na la. Le u mee Uwumbɔr linimaln ke utaal taa nu. Le ŋibin ŋitaa ni iŋmal iloob utaal aa nan nun kitiŋ ngbaan ni.

Tibɔkpiirkaan 11:6

Biseeraadam bilee ngbaan nan kpa mpɔɔn bi kiir utaal u taa nu buyoonn bi bi mooni Uwumbɔr aabɔr na, ki kpa mpɔɔn ki cha nnyun kpaln nsin, ki kpa mpɔɔn ki cha falaa aabɔŋ mɔmɔk lir dulnyaa wee ni, n‑yoonn mumɔk bi gee na.