Amos 4:2 - Uwumbɔr aagbaŋ

² Tidindaan Uwumbɔr aah bi chain kaa kpa tijɔŋ tibaa na, u puu ke, “Iwiin ibaa choo, le bi ga nan di ijapiin dar nimi buen; ni mɔmɔk ga li bi ke ijan i ijapiin chur i na la.

Amos 4:2 ပူးပေါင်းရင်းမြစ်များ

Ilahn 89:35

M puu maayimbil li bi chain na pu ke maan gii inyamɔn tuk David.

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Aisaya 37:29

M ŋun saah kpa liŋuusakpeln ni kigaak pu na, le dandana m ga di njapiin di pui aamɔfal ni, le ki di itangar mu di ŋa aamɔb ni, ki di si giin dii nsan mu aa dii ni ki dan na.”

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Esekiel 29:4

M ga di njapiin le saa chaar aalakpak aan ki cha saamɔɔl aajan dab baan si. Le m ga dar nyan si Nail Aamɔɔl ponn ni, aan ijan ngbaan mɔmɔk dab baa si.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Esekiel 38:4

M ga mur fenn u, ki di ijapiin saa chaar umɔkpaween, ki dar u ni waatɔb aajab buen. Waatɔb aajab, ni baataan, ni bitandam bi pee butɔb aawan na wiir sakpen, le uja mɔk joo kijaak aapeln, ni kijaak aajuk.

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Amos 8:7

Uwumbɔr u ye Israel yaab Aadindaan na le puu ke, “Maan suln baatunwanbir pu kpala.